Paulo Dybala ដែលជាកីឡាករទីបីរកឃើញថាមានផ្ទុកជំងឺ COVID-19 បានជាសះស្បើយពីវីរុសដ៏កាចសាហាវមួយនេះជាផ្លូវការហើយ។
នេះជាសារដ៏ល្អមួយសម្រាប់កីឡាករអាហ្សង់ទីន ទន្ទឹមដែលស្ថានភាពនៅលីគកំពូលអ៊ីតាលីហាក់កាន់តែប្រកៀកក្នុងការវិលត្រលប់មកវិញ ស្របពេលដែលក្លឹបជាច្រើនបានកោះហៅកីឡាករមកចូលរួមហ្វឹកហាត់ជាបណ្តើរៗរួចទៅហើយ។
Dybala ជាកីឡាករ Juve ដែលផ្ទុក COVID-19 នេះយូរជាងគេ ពោលគឺតេស្ត ៤ លើកបានចេញលទ្ធផលវិជ្ជមាន មានផ្ទុកដដែល ទើបតែការតេស្តលើកចុងក្រោយនេះ ត្រូវបានក្លឹប Juventus ប្រកាសជាក់ច្បាស់ថាលែងមានផ្ទុកទៀតហើយ។ ចំណែកឯ Daniel Rugani និង Blaise Matuidi បានជាសះស្បើយតាំងពីអំឡុងពាក់កណ្តាលខែមេសាមកម្ល៉េះ៕
ប្រភព៖ Twitter