ខ្សែការពាររបស់ភ្នំពេញក្រោន កីឡាករសឿត បារាំងបាននិយាយសរសើរអំពីក្រុមគូប្រជែងព្រះខ័នរាជស្វាយរៀងមុនក្រុមទាំងពីជួបគ្នានៅថ្ងៃអាទិត្យទី០៨ខែមីនាឆ្នាំ២០២០នៅកីឡដ្ឋាន Smart RSN Stadium ។
ខ្សែការពារស្លាបឆ្វេង បារាំង បានប្រាប់គេហទំព័រ ppcfc.com ថា៖«វាជាការប្រកួតដ៏ធំបំផុតនៅក្នុងក្របខ័ណ្ឌមិត្តហ្វូនខេមបូឌានលីគ វាគឺជាជំនួបរវាងក្រុមមិនស្គាល់បរាជ័យដែលកំពុងចាប់ផ្តើមយ៉ាងល្អ ហើយខ្ញុំប្រាកដថាអ្នកគាំទ្រពិតជាទន្ទឹងរង់ចាំការប្រកួតនេះ»។
«ទាំងអស់គ្នាដឹងថា ព្រះខ័នរាជស្វាយរៀងគឺជាម្ចាស់ជើងឯកកាលពីឆ្នាំមុនហើយពួកគេក៏អស្ចារ្យផងដែរ។ ពួកគេបានឈ្នះ២ទៅ៣ប្រកួតដំបូងរបស់ពួកគេ។ វានឹងក្លាយជាការប្រកួតដ៏ស្វិតស្វាញមួយសម្រាប់យើង ខណៈដែលពួកគេគឺជាក្រុមដ៏ល្អ និងការប្រយុទ្ធរបស់ពួកគេគឺអស្ចារ្យណាស់។ ពួកគេមាន Privat និងកីឡាករបរទេសដែលមានគុណភាពផ្សេងទៀត»។
«សម្រាប់យើងមិនដែលមើលស្រាលគូប្រជែងទេ។ យើងចាត់ទុកក្រុមទាំងអស់ក្នុងលីគថាជាគូប្រជែងខ្លាំង ព្រោះគោលដៅរបស់យើងមាន ៣ ពិន្ទុពីការប្រកួតនីមួយៗ។ យើងចង់ឈ្នះ ហើយព្រះខ័នរាជស្វាយរៀងក៏ចង់ផ្តួលយើងដែរ។ ភាគីទាំងពីរចង់ចាកចេញពីកីឡដ្ឋានដោយមាន ៣ ពិន្ទុ ប៉ុន្តែបន្ទាប់៩០នាទីយើងនឹងឃើញ»។
«ចំពោះអ្នកគាំទ្រសូមមកគាំទ្រពួកយើងដើម្បីធ្វើអោយពួកយើងកាន់តែរឹងមាំ និងធ្វើឲ្យការប្រកួតកាន់តែរំភើប។ សូមអរគុណសម្រាប់ការគាំទ្រហើយសូមបន្តគាំទ្រពួកយើង»៕