ក្រុម FC Barelona បានបរាជ័យក្រោមថ្វីជើងក្រុម AT Madrid ៣-២ ធ្លាក់ចេញពីពានរង្វាន់ Super Cup បាត់ទៅហើយកាលពីយប់មិញនេះ។
ក្រុម Barcelona នាំមុខក្រុម AT Madrid បានទៅហើយ ប៉ុន្តែនៅ១០នាទីចុងក្រោយ បែរជាភ្លាត់២គ្រាប់ ធ្វើឱ្យធ្លាក់ចេញពីពានរង្វាន់នេះទៅវិញ។ ការលេងមិនល្អនៅ១០នាទីចុងក្រោយនេះ ធ្វើឱ្យ Messi ដែលជាប្រធានក្រុមយល់ឃើញថាកូនក្រុមហាក់ដូចជាធ្វែសប្រហែសច្រើនមែនទែននៅចុងម៉ោង។ ការលេងដោយមិនយកចិត្តទុកដាក់នេះហើយ ទើបបានជាលទ្ធផលចុងក្រោយ មិនគាប់ប្រសើរបែបនេះ។
Messi បានបន្ដទៀតថា៖ “យើងមិនផ្ដោតលើការប្រកួត នៅពេលដែល AT Madrid ជិតអស់ឱកាសទៅហើយ។ នៅ១០នាទីចុងក្រោយ ក្រុម AT Madrid បានប្ដូរទម្រង់លេង ហើយយើងក៏បានមើលឃើញ ប៉ុន្តែយើងមិនផ្ដោតលើវា។ បរាជ័យនេះយើងឈឺចាប់ ព្រោះវាជាពានរង្វាន់ យើងចង់ឈ្នះវា។ យើងកំពុងបង្ហាញថាយើងមានរបៀបលេងខុសប្លែកពីមុន បន្ទាប់ពីចូលឆ្នាំ២០២០នេះ។ យើងលេងល្អ ប៉ុន្តែលទ្ធផលវិញយើងមិនឈ្នះនោះទេ”៕ប្រភព៖ Dailymail
