Peter Moore ប្រធានប្រតិបត្តិនៅក្លឹប Liverpool គិតថាវិស័យបាល់ទាត់នៅពេលបច្ចុប្បន្ននេះ បើក្រុមមួយមិនមានប្រាក់៥០០លានផោនទេ នោះពួកគេគ្មានឱកាសលើកពានទេ។
បានឡើងវគ្គផ្ដាច់ព្រ័ត្រ UEFA Champions League ក្លឹបដែលមានម្ចាស់ជាសេដ្ឋីនៅអាមេរិកខាងលើ នឹងមិនស្ដាយនោះទេ ក្នុងការចំណាយលុយដើម្បីនាំចូលកីឡាករល្អៗនៅរដូវកាលក្រោយ។ ក្រុម Liverpool មិនទាន់ចប់ World Cup ផង ពួកគេបានប្រកាសទិញបានកីឡាករ២នាក់ក្នុងតម្លៃ៩០លានផោនហើយ គឺ Naby Keita និង Fabinho ។ ស្របពេលដែលក្លឹប ហង្សក្រហមមួយនេះ នឹងចំណាយប្រាក់ជាច្រើនទៀត ដើម្បីទិញកីឡាករល្អៗមកជួយក្រុមប្រជែងយកពាននៅរដូវកាលក្រោយ។
ជាមួយនឹងគម្រោងចាយប្រាក់ច្រើនដែរ លោកPeter Moore ប្រធានប្រតិបត្តិនៅក្លឹប Liverpool បាននិយាយថា៖ “យើងកំពុងរស់នៅក្នុងពិភពលោកមួយ ដែលប្រសិនបើអ្នកមិនមាន៥០០លានផោនទេ នោះក្រុមរបស់អ្នកនឹងមិនអាចឈ្នះពានអ្វីទាំងអស់។ ហើយសមត្ថភាពរបស់យើងបច្ចុប្បន្ន ក៏ត្រូវតែធ្វើការចំណាយដូចក្លឹប Man Utd Barcelona PSG និង Real Madrid ដែរ។ យើងត្រូវតែប្រឹងប្រែងដើម្បីប្រជែងជាមួយពួកគេ។ បើអ្នកមិនចំណាយទេ នោះអ្នកនឹងមិនឈ្នះពានទេ”។
Liverpool បច្ចុប្បន្ននេះ មានកីឡាករល្អៗច្រើន ដែលបានជួយពួកគេឱ្យឡើងបានដល់វគ្គផ្ដាច់ព្រ័ត្រ UEFA Champions League កាលពីរដូវកាលមុន។ ត្បិតតែមិនអាចឈ្នះ Real Madrid លើកពានបានមែន ប៉ុន្តែក្រុមអង់គ្លេសមួយនេះក៏អាចរកប្រាក់បានច្រើនសន្ធឹកសន្ធាប់ចំពោះការឡើងដល់ផ្ដាច់ព្រ័ត្រនោះផងដែរ៕ប្រភព៖ DailyMail
