Chanathip Songkrasin ហៅក្រៅថា Messi J ថៃ បានបញ្ជាក់ថាក្រុមខ្លួនបច្ចុប្បន្នត្រៀមខ្លួនរួចថាស្រេចដើម្បីសងសឹកក្រុមជម្រើសជាតិវៀតណាមវិញ។
ក្រុមបាល់ទាត់ជម្រើសជាតិថៃ នឹងបើកទ្វាផ្ទះស្វាគមន៍ក្រុមបាល់ទាត់ជម្រើសជាតិវៀតណាម ក្នុងការប្រកួតជម្រុះ World Cup 2022 ក្នុងពូល G។ ក្រុមទាំងពីរនេះ ទើបតែប៉ះគ្នាប៉ុន្មានសប្ដាហ៍កន្លងទៅនេះទេ ក្នុងពានរង្វាន់ King’s Cup ដោយគ្រានោះក្រុមម្ចាស់ផ្ទះចាញ់វៀតណាមក្នុងលទ្ធផល ១-០។ តែការប្រកួតនៅគ្រានោះ ក្រុមជម្រើសជាតិថៃមិនមានសមាសភាពកីឡាករពេញឡើយ ដោយ Chanathip Songkrasin ក៏មិនបានចូលជួយក្រុមផងដែរ។
ការប៉ះគ្នាជាថ្មីនៅវគ្គជម្រុះ World Cup នេះ Messi J ថៃបានលើកឡើងថាក្រុមជម្រើសជាតិថៃត្រៀមជាស្រេចសម្រាប់ការប្រកួតនេះ។ ក្រុមទាំងមូលចង់បានលទ្ធផលល្អសម្រាប់ជួនអ្នកគាំទ្រ ជាពិសេសដើម្បីសងសឹកក្រុមវៀតណាមវិញ ដែលទើបឈ្នះខ្លួនកន្លងទៅ៕ប្រភព៖ BANGKOKPOST
