ប្រទេសកូឡុំប៊ី នឹងធ្វើជាម្ចាស់ផ្ទះ Copa America តែម្នាក់ឯងប៉ុណ្ណោះ ដោយសារតែអាហ្សង់ទីនបានដកខ្លួនក្នុងនាមជាសហម្ចាស់ផ្ទះហើយនោះ។
ដំបូងឡើយតាមការប្រកាសគឺ Copa America ឆ្នាំ២០២០ នឹងធ្វើឡើងនៅ២ប្រទេសគឺកូឡុំប៊ី និងអាហ្សង់ទីន។ តែម្សិលមិញនេះ លោក Ivan Duque ប្រធានាធិបតីកូឡុំប៊ី បានជូនដំណឹងដល់ប្រជាជនរបស់ខ្លួនថា កូឡុំប៊ីនឹងមានឱកាសធ្វើជាម្ចាស់ផ្ទះតែឯងតែម្ដង ហើយលោកក៏អរគុណដល់អាហ្សង់ទីនដែលបានផ្ដល់ឱកាសនេះដែរ។
សម្រាប់ការប្រកួតនៅឆ្នាំ២០២០នេះ នឹងមានការកែប្រែរូបមន្ដខ្លះ។ ដោយក្នុងនោះ ក្រុមទាំង១០នៅក្នុងតំបន់ បូកជាមួយក្រុម២ទៀតដែលត្រូវអញ្ជើញ កាតា និងអូស្ត្រាលី សរុប១២ក្រុម បែងចែកជា២ពូល មួយពូល៦ក្រុម។ ប្រកួតគ្នា យក៤ក្រុមតាមពូល ដើម្បីឡើងទៅលេងនៅវគ្គ៨ក្រុមចុងក្រោយ៕ប្រភព៖ Thestar
