កីឡាករ Sergio Ramos បានផ្ញើសារជូនពរចំពោះការចាកចេញរបស់លោក Zidane ពីក្រុម Real Madrid ក្រោយពីនាំក្រុមមួយនេះជោគជ័យយ៉ាងត្រចះត្រចង់។
ប្រធានក្រុមខាងលើ ធ្លាប់បានលេងតាំងពី Zidane នៅជាកីឡាករ ហើយនៅតែលេងទៀត ពេលដែល Zidane ឡើងមកដឹកនាំក្រុម Real Madrid នេះ។ Ramos បាននិយាយថា៖ “ទាំងនៅជាកីឡាករ និងគ្រូបង្វឹក អ្នកតែងតែលាឈប់ នៅពេលជោគជ័យបំផុត។ អរគុណសម្រាប់រយៈពេល២ឆ្នាំកន្លះនេះ។ ស្នាដៃរបស់អ្នក នឹងមិនអាចបំភ្លេចបានឡើយ។ នេះជាកំណត់ត្រាមួយក្នុងប្រវត្តិសាស្ត្ររបស់ក្លឹបដែលយើងស្រលាញ់ Real Madrid ”។
ក្រោយពីប្រកាសចាកចេញពីក្រុម Real Madrid កីឡាករទាំងអស់នៅក្លឹបនេះ សុទ្ធតែបង្ហោះជូនពរទាំងអស់។ ស្របពេលដែលការចាកចេញនេះ បានធ្វើឱ្យអ្នកគ្រប់គ្នាភ្ញាក់ផ្អើលជាខ្លាំង សូម្បីតែលោក Perez ប្រធានក្លឹបក៏រំជួលចិត្តចំពោះរឿងនេះដែរ។
កំណត់ត្រាដឹកនាំក្រុមរបស់ Zidane គឺ១៤៩ប្រកួត ឈ្នះ១០៤ប្រកួត ស្មើ២៩ប្រកួត និងចាញ់១៦ប្រកួត ដែលស្មើនឹង៧០%គឺជោគជ័យហើយ។ លោកនាំក្រុមមួយនេះលើកពាន៩ គឺ UEFA Champions League ៣ដង FIFA Club World Cup ២ដង UEFA European Cup ២ដង la Liga ១ដងនិង Spanish Super Cup ១ដង៕ប្រភព៖ DailyMail
