លោក Rudi Garcia គ្រូបង្វឹករបស់ក្លឹប Al Nassr ជឿជាក់ថាខ្សែប្រយុទ្ធ Cristiano Ronaldo នឹងត្រលប់ទៅលេងនៅអឺរ៉ុបវិញ មុនពេលចូលនិវត្តន៍ពីវិស័យបាល់ទាត់ មិនបញ្ចប់ត្រឹមនៅអារ៉ាប់ប៊ីសាអូឌីតទេ។
Ronaldo វ័យ៣៧ឆ្នាំបានចុះកុងត្រា២ឆ្នាំកន្លះជាមួយក្លឹប Al Nassr ជាមួយតម្លៃពលកម្ម២១០លានដុល្លារក្នុង១ឆ្នាំ។ ក្លឹបមានមូលដ្ឋាននៅអាស៊ីនេះ មានបំណងចង់ឱ្យ Ronaldo ចូលនិវត្តន៍ពីវិស័យបាល់ទាត់តែម្ដងនៅក្លឹបរបស់ខ្លួន តែទំនងជាមិនបានសម្រេចនោះទេ។ ស្របពេលលោក Rudi Garcia ដែលជាគ្រូបង្វឹកក៏មានចំណាប់អារម្មណ៍ទៅលើរឿងនេះផងដែរ។ គ្រូបង្វឹករូបនេះ ជឿថាសមត្ថភាពរបស់ Ronaldo នៅតែអាចស្វែងរកក្លឹបនៅអឺរ៉ុបលេងបន្ដបាន។
Rudi Garcia និយាយថា៖ “Ronaldo ជាកីឡាករល្អម្នាក់ ដែលបានជួយទាញកម្លាំងខ្សែការពារម្ខាងទៀតបានយ៉ាងច្រើន។ គាត់ជាកីឡាករល្អបំផុតម្នាក់នៅលើលោកនេះ ហើយគាត់នឹងមិនបញ្ចប់អាជីពរបស់គាត់នៅក្លឹប Al Nassr ទេ។ គាត់នឹងត្របល់ទៅអឺរ៉ុប”៕