ខ្សែប្រយុទ្ធ Paulo Dybala រកគ្រាប់បាល់ដំបូងឱ្យក្រុម Roma បានហើយ ក្នុងការប្រកួតដែលពួកគេយកឈ្នះលើក្រុម Monza ក្នុងលទ្ធផល ៣-០ នៅយប់មិញនេះ។
Dybala សម្រេចចិត្តមកលេងឱ្យក្រុម Roma ក្រោមការដឹកនាំរបស់លោក Jose Mourinho ដោយចាកចេញពីក្រុម Juventus កាលពីរដូវក្ដៅនេះ។ វត្ដមានរបស់គេនៅប៉ុន្មានប្រកួតមុនមិនទាន់មានសំណាងរកគ្រាប់បាល់បាននោះទេ ដោយទើបយប់មិញនេះរកបាន១គ្រាប់ជួយក្រុម Roma យកឈ្នះលើក្រុម Monza ក្នុងលទ្ធផលដល់ទៅ៣-០ ឯណោះ។ ជាមួយលទ្ធផលនេះដែរ ក៏បានជួយឱ្យក្រុម Roma ឈរនៅកំពូលតារាង Serie A ផងដែរឆ្លងកាត់៤ប្រកួតមកនេះ មាន១០ពិន្ទុ។
Inter Milan នៅលេខ២មាន៩ពិន្ទុ និងក្រុម AC Milan នៅលេខ៣ មាន៨ពិន្ទុ។ ការប្រកួតទើបប៉ុន្មានដើមរដូវកាលនេះទេ ប៉ុន្តែជាក់ស្ដែងឃើញថាក្រុម Roma ក្រោមការដឹកនាំរបស់លោក Jose Mourinho មិនអន់ឡើយ ដោយប្រកួតកន្លងទៅពួកគេទើបស្មើជាមួយ Juventus ដែរ៕