លោក Jurgen Klopp បានហៅការបន្ដកុងត្រាថ្មីឱ្យ Mohamed Salah ថាជារឿងត្រឹមត្រូវបំផុតហើយ ព្រោះរូបគេជា Legend របស់ក្លឹបនិងអនាគតអាចជួយក្រុមបានច្រើនបន្ថែមទៀត។
មុនបន្ដកុងត្រាថ្មី៣ឆ្នាំនេះ Salah នៅសល់កុងត្រាត្រឹម១ឆ្នាំប៉ុណ្ណោះ ហើយក៏មានក្លឹបជាច្រើនចរចាចង់បានគេផងដែរ។ តែក្រោយពីក្រុមហង្សក្រហម Liverpool ប្រឹងប្រែងបន្ដកុងត្រាទៅ ក៏ទទួលបានជោគជ័យ និងឈានដល់កិច្ចព្រមព្រៀង៣ឆ្នាំបន្ថែមទៀត។ ដោយក្នុងរយៈពេល៣ឆ្នាំនោះ Salah នឹងរកបានប្រមាណជា៤សែនផោនឯណោះក្នុង១សប្ដាហ៍។
ជាមួយការបន្ដកុងត្រាថ្មីនេះដែរ លោក Klopp បាននិយាយថា៖ “នេះជារឿងល្អណាស់សម្រាប់អ្នកគាំទ្រយើងដែលទទួលបាននៅចុងសប្ដាហ៍នេះ។ ខ្ញុំជឿថានឹងមានអ្នកអបអរសម្រាប់ដំណឹងបន្ដកុងត្រានេះ។ វាជារឿងល្អបំផុតក្នុងការសម្រេចចិត្តរបស់យើង។ គាត់ជាកម្មសិទ្ធិរបស់ពួកយើង ហើយក្លឹបនេះក៏ជារបស់គាត់ផងដែរ។ ខ្ញុំមិនស្ទាក់ស្ទើរឡើយ Salah នឹងធ្វើបានល្អបន្ថែមទៀតនៅឆ្នាំខាងមុខ”៕ប្រភព៖ DailyMail