Khabib Nurmagomedov ព្រមានថានឹងដើរចេញពី UFC ប្រសិនបើស្ថាប័នមួយនេះ ពិតជាសម្រេចបណ្ដេញមិត្តរួមក្រុមរបស់គេ Zubaira Tukhugov ចេញ។
UFC 229 បានក្លាយជាការប្រកួតមួយដែលអាក្រក់មើលបំផុត ព្រោះចប់ការប្រកួតហើយ មានកីឡាករនិងក្រុមរបស់ខ្លួនវាយគ្នាទាំងនៅលើសង្វៀន និងក្រៅសង្វៀន។ Khabib បានហក់ពីលើសង្វៀនមក
វាយក្រុមរបស់ Conor ស្របពេលដែលក្រុមរបស់ Khabib វិញ បានឡើងទៅវាយជាមួយកីឡាករ Conor នៅសង្វៀនឯណោះ។ ជារួមទៅ ក្រុមការងារទាំងសងខាង សុទ្ធតែប៉ះទង្គិចគ្នាខ្លាំងមែនទែន មុនពេលស្ថានការណ៍អាចត្រលប់ទៅរកភាពស្ងប់ស្ងាត់វិញ។
នៅថ្ងៃទី២៤ខាងមុខនេះ ស្ថាប័ន UFC នឹងធ្វើការប្រកាសពិន័យជាផ្លូវការចំពោះទង្វើរបស់ពួកគេ។ ដោយឡែកសម្រាប់ Khabib បានចេញមុខមកព្រមានជាថ្មីថា ប្រសិនបើ UFC ពិន័យមិត្តរបស់គេ Zubaira នោះ រូបគេក៏នឹងចាកចេញពីស្ថាប័នក្នុងទ្រុងមួយនេះ
ដើម្បីរកកន្លែងផ្សេងផងដែរ។ អ្នកប្រដាល់មិនដែលចាញ់របស់រុស្ស៊ីខាងលើ បានបញ្ជាក់ថា ខាងក្រុម Conor ឯណោះទេ ដែលជាអ្នកបង្កើតហេតុមុន ដោយពួកគេបានមើលងាយជាតិសាសន៍ គ្រួសាររបស់ខ្លួន៕ប្រភពDailyMail
