ខ្សែការពារស្លាបស្តាំ Dani Alves នៃក្លឹប Barcelona ក៏បានបង្ហោះសារអបអរដល់ក្លឹប Real Madrid ដ្បិតបើជាក្លឹបគូប្រជែង ដោយផ្តោតលើន័យសរសើរជាចម្បងដល់ចំណែកនៃកីឡាករប្រេស៊ីល ទើបអាចជួយឲ្យក្លឹបយក្សអេស្ប៉ាញ អាចឆ្លងផុតក្លឹប Manchester City នាវគ្គពាក់កណ្តាលផ្តាច់ព្រ័ត្រ។ វាជាអភិនិហា ហើយជារឿយស៊យបំផុតសម្រាប់ក្លឹបអង់គ្លេស ដ្បិតបើអាចនាំមុខលទ្ធផល ៥-៣ ទៅលើ Madrid នៅ ៨៩ នាទី នាតង់ទី ២ ទៅហើយ។
Alves រៀបរាប់ថា៖ “មិត្តភក្តិក្នុងវិស័យបាល់ទាត់ទាំងអស់ ត្រូវដឹង ថាវាដូចតែជីវិតនៅខាងក្រៅអ៊ីចឹង សំណាងមិនចេះតែមាននៅខាងយើងរហូតទេ ដ្បិតបើយើងជាក្រុមដែលអាចគ្រប់គ្រងការប្រកួតទាំងមូលក៏ដោយ ហើយអ្នកមើលចុះ បាល់ទាត់នឹងទៅជាបែបណា បើគ្មានកីឡាករប្រេស៊ីលចូលរួម”។
ន័យនេះគេចង់សរសើរដល់ចំណែករបស់ Vinicius Junior, Rodryo Goes, Eder Militao ក៏ដូចជា Casemiro ជាចំណែកសំខាន់ៗសឹងគ្រប់តំណែង ក្នុងការជួយក្រុមលោក Carlo Ancelotti ឲ្យឡើងដល់វគ្គផ្តាច់ព្រ័ត្រ UCL។ យ៉ាងណាលោកក៏និយាយដែរ ទាក់ទិននឹងប្រកួតនៅ La Liga បើក្លឹប Barcelona រៀបចំបានលឿនជាងនេះ ពោលតាំងពីមុនបើករដូវកាល ម្ល៉េះ Real ក៏មិនប្រាកដថាអាចលើកពានបានដែរ៕
ប្រភព៖ Marca