ក្លឹបមេឃខៀវ Manchester City ត្រូវបានគេរាយការណ៍ថា កំពុងរៀបចំសំណើផ្តល់កុងត្រាថ្មី ដល់យុវជន Phil Foden ឲ្យបានមុនបញ្ចប់រដូវកាល ២០២១/២២។ កីឡាករអង់គ្លេស តាមថាគេត្រូវផុតកុងត្រានៅចុងខែមិថុនា ឆ្នាំ ២០២៤ តែដោយសារក្លឹបមើលឃើញសមត្ថភាព ឃើញថាធ្វើបានល្អខ្លាំង ហើយបញ្ចៀសការចង់បានរបស់ក្លឹបដទៃ ដូច្នេះការបន្តកុងត្រាថ្មី គឺជារឿងចាំបាច់។
បើតាមសារព័ត៌មាន 90min ចុះផ្សាយថា ភាគីក្លឹបអាណាព្យាបាល City កំពុងស្ថិតក្នុងការជជែកពិភាក្សាជាមួយកីឡាករវ័យ ២១ ឆ្នាំខាងលើហើយ អំពីលទ្ធភាពនៃការផ្តល់ឲ្យនូវប្រាក់ពលកម្ម និងប្រាក់ឧបត្ថម្ភមួយចំនួនបន្ថែមពីលើកិច្ចព្រមព្រៀងចាស់។
រំឭកដែរថា Foden ទើបតែចូលរួមចំណែកយ៉ាងសំខាន់ ក្នុងការ Assist បាល់មួយគ្រាប់ ទៅឲ្យ Kevin de Bruyne បញ្ចប់ទី បើកការនាំមុខ ១-០ ទៅលើ Atletico Madrid នៅ UCL កាលពីយប់មិញ។ និយាយអំពីស្ថិតិរដូវកាលនេះ ជារួម ៣៥ ប្រកួត កីឡាករអង់គ្លេសរកបាន ១១ គ្រាប់និង Assist ៩ លើកឯណោះ៕
ប្រភព៖ 90min