អតីតខ្សែប្រយុទ្ធនៃក្លឹប Tottenham Hotspur គឺលោក Teddy Sheringham បានផ្តល់យោបល់ទៅកាន់កីឡាករឆ្នើម Harry Kane ថាគួរតែដល់ពេលវេលាត្រូវចាកចេញ ដើម្បីទៅស្វែងរកការប្រកួតប្រជែងថ្មី និងឈ្នះពានរង្វាន់អឺរ៉ុប។
កីឡាករអង់គ្លេស គេឈានចូលវ័យ ២៩ ឆ្នាំហើយ ដោយគេបានខកខានការឈ្នះពានរង្វាន់ទាំងអស់ ជាមួយ Spurs រាប់ចាប់តាំងការឈរជើង ជិត ១ ទសវត្សមកនេះ។ សម្រាប់ក្លឹប Spurs ឯណោះ ពួកគេលើកពានលើកចុងក្រោយ នៅរដូវកាល ២០០៧/០៨ នៅព្រឹត្តិការណ៍ EFL Cup។
យ៉ាងណាតាមការលើកឡើងរបស់ Sheringham៖ “Kane គេជាលេខ ៩ ល្អបំផុតក្នុងលោកសម្រាប់ខ្ញុំ គេស្ថិតនៅកម្រិតកំពូលរយៈពេល ៤ ឬ ៥ ឆ្នាំចុងក្រោយ ហេតុនេះទើបគេអាចរកបានគ្រាប់បាល់ជាច្រើនរៀងរាល់ឆ្នាំ”។
លោកបន្ត៖ “គេនៅតែបន្តធ្វើបានល្អ តែខ្ញុំចង់ឃើញគេស្ថិតនៅក្លឹបមានការប្រកួតប្រជែង បើខ្ញុំឲ្យយោបល់ទៅកាន់គេ គឺចង់ឲ្យគេលេងនៅកម្រិតដ៏ខ្ពស់ លេងនៅ Champions League វគ្គផ្តាច់ព្រ័ត្រ លេងនៅក្លឹបប្រជែងលីគកំពូល ដូច្នេះហើយគេគួរតែចាកចេញពីក្លឹប Spurs”៕
ប្រភព៖ Sportsmole