ខ្សែប្រយុទ្ធ Memphis Depay ទាត់ប៉េណាល់ទីចុងម៉ោង ជួយក្រុម FC Barcelona យកឈ្នះលើក្រុម Elche បានក្នុងលទ្ធផល ២-១ នាការប្រកួតពានរង្វាន់ La Liga ។
ការប្រកួតនេះដែរ ក្រុម Barcelona ត្រូវក្រុម Elche នាំមុខមុននៅតង់ទី១។ តែឈានដល់តង់ទី២ ពួកគេក៏អាចកែប្រែស្ថានភាពមកវិញបាន ដោយរកបាន២គ្រាប់វាយបកយកឈ្នះតែម្ដង។ ដោយគ្រាប់បាល់នោះសម្រេចបានដោយ Ferran Torres នាទី៦០ និង Depay នៅនាទី៨៤។ ក្នុងការប្រកួតនេះដែរ គេសង្កេតឃើញថាក្រុមរបស់លោក Xavi មានឱកាសច្រើនដែរតាំងពីតង់ទី១មកម្ល៉េះ ប៉ុន្តែពួកគេមិនមានសំណាងដើម្បីរកគ្រាប់បាល់បាននោះទេ។
រហូតមកដល់ពេលនេះ ក្រុម Barcelona លេងបាន២៦ប្រកួតមកហើយ ដោយពួកគេឈរនៅចំណាត់ថ្នាក់លេខ៣ក្នុងតារាង។ ពេលនេះ ក្រុមអ្នកមានបុណ្យមាន៤៨ពិន្ទុ ស្របពេលក្រុមកំពូលតារាង Real Madrid វិញ មានដល់៦៣ពិន្ទុប៉ុណ្ណោះ៕
ប្រភព៖ Marca