អ្នកចាំទីចាស់វស្សា Gianluigi Buffon បានសម្រេចបន្ដកុងត្រា២ឆ្នាំទៀតជាមួយក្រុម Parma ហើយ ដែលនឹងធ្វើឱ្យលោកអាចបន្ដលេងបាល់ដល់អាយុ៤៦ឆ្នាំ។
Buffon វ័យ៤៤ឆ្នាំបានចូលរួមជាមួយក្រុម Parma នៅលីគលំដាប់ទី២កាលពីរដូវកាលមុន ដោយមានកុងត្រា២ឆ្នាំ។ រហូតមកដល់ពេលនេះ លោកក៏បានបន្ថែមកុងត្រាថ្មីលើកុងត្រាចាស់នោះទៀត។ អ្នកចាំទីដែលធ្លាប់ឈ្នះពានរង្វាន់ Serie A ១០ដងរូបនេះ មានកំណត់ត្រាល្អណាស់នៅលីគកំពូលអ៊ីតាលី ដោយលេងបាន៦៥៧ប្រកួត ឯណោះនៅលីគកំពូល។ ខណៈដែលក្លឹប Parma ដែលលោកកំពុងលេងឱ្យនេះ គឺជាក្លឹបដំបូងដែលលោកចាប់ផ្ដើមអាជីព។
Buffon បាននិយាយថា៖ “សម្រាប់ខ្ញុំនិងគ្រួសារ នេះជាថ្ងៃពិសេសខ្លាំងណាស់។ ខ្ញុំសង្ឃឹមថាអ្នកគាំទ្រនិងសប្បាយចិត្តផងដែរ។ ការត្រលប់មកវិញរបស់ខ្ញុំនៅ Parma នេះគឺជាទំនាក់ទំនងល្អរបស់ពួកយើង ហើយក្លឹបនេះគឺនៅក្នុងចិត្តរបស់ខ្ញុំរហូតមក”៕ប្រភប៖ BBC
