ក្រុមហង្សក្រហម Liverpool បានឈ្នះពានរង្វាន់ Carabao Cup ហើយ ក្រោយពីពួកគេយកឈ្នះលើក្រុម Chelsea បាននៅវគ្គប៉េណាល់ទីកាត់សេចក្ដី ១១-១០។
ការប្រកួតរវាងក្រុមទាំងពីរបានបញ្ចប់ទៅក្នុងលទ្ធផលស្មើគ្នា ០-០ ប៉ុណ្ណោះ បើទោះជាឱកាសមានច្រើនមែន ប៉ុន្តែមិនមានគ្រាប់បាល់កើតឡើងនោះទេ។ ដោយសារតែដូច្នេះហើយ ទើបតម្រូវឱ្យមានការទាត់បាល់ប៉េណាល់ទីដើម្បីកាត់សេចក្ដីយកចាញ់ឈ្នះតែម្ដង។ នៅវគ្គនេះដែរ ក្រុមទាំងសងខាងធ្វើបានល្អដូចគ្នាតែម្ដង ដោយត្រូវទាត់ដល់១១នាក់រៀងខ្លួនទើបអាចដឹងថាក្រុមណាជាម្ចាស់ពាន។
នៅទីបញ្ចប់ ក្រុម Liverpool បានក្លាយជាជើងឯក ដោយឈ្នះក្នុងលទ្ធផល ១១-១០។ អ្នកចាំទី Kepa របស់ក្រុម Chelsea ជាអ្នកទាត់មិនចូល បាល់ហោះឡើងលើទើបបានជាធ្វើឱ្យក្រុមតោខៀវ បរាជ័យនៅវគ្គនេះ។ វាក៏បានក្លាយជាការប្រកួតដែលអ្នកគាំទ្រពេញចិត្តខ្លាំងផងដែរ ព្រោះការប្រកួតឈានដល់វគ្គប៉េណាល់ទី ហើយទាត់ដល់១១នាក់ទៀត៕ ប្រភព៖ DaiyMail