លោក Antonio Conte បានបោះសម្ដីថាខ្លួនប្រហែលជាមិនមែនជាអ្នកចាត់ការសមស្របសម្រាប់ការដឹកនាំក្រុម Spurs នោះទេ ក្រោយពីលេងចាញ់ក្រុម Burnley ក្នុងលទ្ធផល ១-0 យប់មិញ។
ក្រុម spurs បានបរាជ័យ៤ដងមកហើយក្នុងការប្រកួត៥ប្រកួតនៅ Premier League កន្លងមកនេះ។ ដោយតាមលទ្ធផលនេះ បានធ្វើឱ្យក្រុមរបស់លោក Conte ហាក់ឆ្ងាយពីតំបន់ Top4 បន្ដិចហើយ។ ខណៈដែលការចាញ់ផ្ទួនៗនេះទៀតសោត ក៏បានធ្វើឱ្យអ្នកចាត់ការអ៊ីតាលីពិចារណាថាខ្លួន មិនសក្ដិសមក្នុងការដឹកនាំក្រុមនេះនោះទេ។ ដោយសម្ដីនេះ លោកបានប្រាប់ទៅកីឡាករគ្រប់គ្នាតែម្ដង។
លោក Conte បាននិយាយថា៖ “ខ្ញុំមកទីនេះដើម្បីជួយក្លឹប ហើយប្រសិនបើមានបញ្ហាអាចបណ្ដាលមកពីគ្រូបង្វឹក ខ្ញុំត្រៀមជាស្រេចក្នុងការចាកចេញ។ ខ្ញុំមិនបានប្រើប្រាស់ស្ថានភាពនេះដើម្បីចាកចេញទេ។ ខ្ញុំបានព្យាយាមគ្រប់យ៉ាង ប៉ុន្តែស្ថានភាពមិនប្រែប្រួលសោះ។ ខ្ញុំយល់ព្រម និងបើកចិត្តឱ្យក្លឹបធ្វើតាមអ្វីដែលក្លឹបចង់បាន។ ខ្ញុំចង់ជួយក្លឹបនេះ ខ្ញុំធ្វើការច្រើនណាស់ ខ្ញុំធ្វើការ២០ម៉ោងក្នុង១ថ្ងៃដើម្បីក្លឹប ខ្ញុំសម្រាកតែ៤ម៉ោងប៉ុណ្ណោះ”៕ ប្រភព៖ BBC