ទីផ្សារដោះដូររដូវរងា បានកន្លងផុតបាត់ទៅហើយ ដោយកីឡាករខ្លះដែលបម្រុងនឹងផ្ទេរចេញ ក៏ត្រូវជាប់គាំង ដែលមានន័យថា ត្រូវលើកពេលទៅចរចាជាថ្មីនៅរដូវក្តៅខាងមុខ។ ងាកមកក្លឹបតោខៀវ Chelsea ឯណេះ ពួកគេក៏បានដាក់គោលដៅរួចជាស្រេចដែរ ជុំវិញការចង់បានកីឡាករឥតតម្លៃខ្លួនដល់ទៅ ៤ រូប។
បើតាមសារព័ត៌មាន Marca ចុះផ្សាយថា ក្លឹបសម្លឹងឃើញខ្សែប្រយុទ្ធនៃក្លឹប Barcelona គឺ Ousmane Dembele ដែល ៩៩ ភាគរយ គេនឹងចាកចេញនៅរដូវក្តៅ តែមិនទាន់ច្បាស់ថា ជ្រើសយកក្លឹបណាមួយនៅឡើយ។
៣ រូបផ្សេងទៀត មានខ្សែការពារ Niklas Sule នៃក្លឹប Bayern Munich ក៏ដូចជា Matthias Ginter នៃក្លឹប Monchengladbach ត្រៀមទុកមកជំនួស កីឡាករដែលអាចនឹងចាកចេញ តួយ៉ាងដូច Andreas Christensen និង Antonio Rudiger ដែលត្រូវផុតកុងត្រា។ រីឯតំបន់ការពារមួយរូបផ្សេងទៀត គឺក្លឹបសម្លឹងឃើញកូនក្រុម Alessio Romagnoli នៃក្លឹប AC Milan។ ពីពេលនេះតទៅ ដល់បញ្ចប់រដូវកាល ក្លឹបអាចមានសិទ្ធចរចាទុកជាមុន រវាងភាគីកីឡាករ សឹមសម្រេចការផ្ទេរផ្លូវការ នៅក្រោយថ្ងៃទី ៣០ មិថុនា ឆ្នាំ ២០២២៕
ប្រភព៖ Marca