បើតាមការរាយការណ៍ពីអ្នកកាសែតលោក Fabrizio Romano បានឲ្យដឹងថា ក្លឹបមេឃខៀវ Man City បានឈានដល់កិច្ចព្រមព្រៀងក្នុងការសម្រេច នាំយកយុវជន Julian Alvarez នៃក្លឹប River Plate ជាផ្លូវការ នៅតម្លៃផ្ទេរ ១៧,៩ លានផោន បូកនឹងប្រាក់ឧបត្ថម្ភមួយចំនួនផ្សេងទៀត។ យ៉ាងណាការផ្ទេរនេះ កីឡាករនឹងនៅលេងឲ្យក្លឹបបច្ចុប្បន្នដល់បញ្ចប់រដូវកាល ពោលដូច City ឲ្យខ្ចីជើងរយៈពេល ៦ ខែ។
កិច្ចព្រមព្រៀងសម្រេច ទំនងជាមានរយៈពេល ៥ ឆ្នាំឯណោះ ហើយកីឡាករអាហ្សង់ទីនខាងលើ នឹងមកបង្ហាញខ្លួនលើទីលានឲ្យក្រុមលោក Pep Guardiola ចាប់ពីរដូវកាលថ្មី ២០២២/២៣ តទៅ។ បញ្ជាក់ថា ក្រៅពី City កន្លងមក ក៏ធ្លាប់មានក្លឹបយក្សដូចជា Real Madrid, Inter Milan និង Man Utd ផងដែរ ធ្លាប់បានចាប់អារម្មណ៍មកលើ Alvarez។
រំឭកថា ខ្សែប្រយុទ្ធវ័យ ២១ ឆ្នាំខាងលើ បានចូលរួមជាមួយ River Plate តាំងតែពីឈុត U20 នៅឆ្នាំ ២០១៥។ យ៉ាងណាការលេងឲ្យឈុតធំ Alvarez បង្ហាញខ្លួន ៩៦ ប្រកួត រកបាន ៣៦ គ្រាប់និង Assist ២៥ លើក៕
ប្រភព៖ BeSoccer