ក្រុម FC Barcelona បានឡើងវគ្គ១៦ក្រុមចុងក្រោយពានរង្វាន់ Copa del Rey ហើយ បន្ទាប់ពីវាយបកយកឈ្នះក្រុមនៅលីគលំដាប់ទី៣ Linares បានក្នុងលទ្ធផល ២-១។
សម្រាប់ការប្រកួតនេះដែរ ក្រុមម្ចាស់ផ្ទះ Linares ជាអ្នករកគ្រាប់បាល់បានមុន ដោយកីឡាករ Hugo Daiz នៅនាទី១៩ ហើយក្រុមអ្នកមានបុណ្យវិញត្រូវរង់ចាំដល់នាទី៦៣ ទើបពួកគេអាចរកគ្រាប់បាល់តាមស្មើវិញបានដោយ Dembele ។ ឈានដល់នាទី៦៩ Ferran Jutgla ក៏ថែមបាន១គ្រាប់ទៀតឱ្យក្រុមរបស់លោក Xavi ដើម្បីយកឈ្នះការប្រកួតនេះក្នុងលទ្ធផល ២-១។
សម្រាប់ការប្រកួតនៅយប់មិញនេះដែរ លោក Xavi ក៏បានដាក់ខ្សែការពារ Dani Alves ឱ្យចូលលេងជម្រើស១១នាក់ដំបូងផងដែរ អមជាមួយកីឡាករវ័យក្មេងមួយចំនួនទៀត។ មុនការប្រកួត អ្នកគាំទ្រគិតថាក្រុម Barcelona នឹងឈ្នះការប្រកួតនេះស្រួល តែជាក់ស្ដែងវិញវាមិនដូចក្ដីរំពឹងឡើយ៕ ប្រភព៖ MARCA
