Wikipedia គឺជាគេហទំព័រឥតគិតថ្លៃ មានចែកចាយនូវអត្ថបទដែលឆ្លងកាត់សរសេរ និងរៀបរៀង ចេញពីសមាគមអ្នកស្ម័គ្រចិត្ត លើប្រធានបទរឿងរ៉ាវជាច្រើនជុំវិញពិភពលោក។ ជីវប្រវត្តិ ភាពជោគជ័យ ក៏ដូចជាដំណើរនៃការតស៊ូផ្សេងៗរបស់បុគ្គល ឬស្ថាប័នណាមួយ គឺសុទ្ធតែមានចងក្រងលើគេហទំព័រដែលមានអាយុកាលជាង ២ ទសវត្សមួយនេះ។
ដោយឡែកងាកមកឆ្នាំ ២០២១ តើអ្នកដឹងទេថា ប្រធានបទរឿងរ៉ាវអ្វីខ្លះទៅ ដែលមានអ្នកចុចអានច្រើនបំផុតលើ Wikipedia?
បើតាមទិន្នន័យច្បាស់ការបង្ហាញថា នៅចំណោមបញ្ជីប្រធានបទទាំង ១៥ ដែលមានតួលេខការចុចអានច្រើនបំផុត នៅឆ្នាំ ២០២១ គឺឃើញថា មានជាប់ពាក់ព័ន្ធនឹងវិស័យបាល់ទាត់ដល់ទៅ ៣ ហើយ Cristiano Ronaldo រាប់បានជាអត្តពលិក ដែលមានគេចង់ដឹងចង់លឺច្រើនបំផុតប្រចាំឆ្នាំ។ យើងធ្វើការបង្ហាញចំណាត់ថ្នាក់ទាំង ១៥ ដូចខាងក្រោម៖
១៥) កីឡាករបាល់ទាត់ Lionel Messi មានតួលេខនៃការចុចអាន ជាង ១៣,០៤ លានដង
១៤) ភាពយន្ត Spider-Man: No Way Home មានតួលេខនៃការចុចអាន ជាង ១៣,២៦ លានដង
១៣) ព្រឹត្តិការណ៍កីឡាអូឡាំពិករដូវក្តៅ 2020 Summer Olympics មានតួលេខនៃការចុចអាន ជាង ១៤,៥៣ លានដង
១២) តួអង្គនៃ Marvel Cinematic Universe មានតួលេខនៃការចុចអាន ជាង ១៥,៥៦ លានដង
១១) ភាពយន្ត WandaVision មានតួលេខនៃការចុចអាន ជាង ១៥,៨៧ លានដង
១០) អតីតប្រធានាធិបតីអាមេរិក លោក Donald Trump មានតួលេខនៃការចុចអាន ជាង ១៦,៣៦ លានដង
៩) ប្រធានាធិបតីអាមេរិក លោក Joe Biden មានតួលេខនៃការចុចអាន ជាង ១៦,៨២ លានដង
៨) ប្រធានបទពីសហរដ្ឋអាមេរិក មានតួលេខនៃការចុចអាន ជាង ១៧,១៨ លានដង
៧) ព្រឹត្តិការណ៍បាល់ទាត់ UEFA Euro 2020 មានតួលេខនៃការចុចអាន ជាង ១៧,៤៨ លានដង
៦) ព្រះអង្គម្ចាស់ Philip, Duke of Edinburgh មានតួលេខនៃការចុចអាន ជាង ១៨,១៩ លានដង
៥) កីឡាករបាល់ទាត់ Cristiano Ronaldo មានតួលេខនៃការចុចអាន ជាង ១៨,៧៧ លានដង
៤) ភាពយន្ត Squid Game មានតួលេខនៃការចុចអាន ជាង ២១,៨៨ លានដង
៣) មហាសេដ្ឋី លោក Elon Musk មានតួលេខនៃការចុចអាន ជាង ២៤,១០ លានដង
២) ម្ចាស់ក្សត្រី Elizabeth II មានតួលេខនៃការចុចអាន ជាង ២៥,២៩ លានដង
១) វិបត្តិពិភពលោក ការស្លាប់នៅឆ្នាំ ២០២១ មានតួលេខនៃការចុចអាន ជាង ៤២,៧៤ លានដង
ដូចបានបង្ហាញពីខាងលើ ចំណាត់ថ្នាក់នៃឈ្មោះ Lionel Messi ឈរនៅលេខរៀងទី ១៥ ដែលចាញ់ Cristiano Ronaldo ដល់ទៅ ១០ លេខឯណោះ ហើយបើរាប់ចំនួននៃការ View លើទំព័រ Wikipedia គឺខុសគ្នាប្រហែល ៥ លានដង។ ទាំងនេះជាទិន្នន័យដែលស្រង់ចេញពីការចុះផ្សាយរបស់ Wikimedia Foundation គិតត្រឹមថ្ងៃទី ១៧ ធ្នូ ឆ្នាំ ២០២១៕
ប្រភព៖ Goal