ក្រុមបិសាចក្រហម Manchester United កំពុងតាមទិញកីឡាករវ័យក្មេង Florian Wirtz ពីក្រុម Bayer Leverkusen ក្នុងតម្លៃខ្លួនប្រមាណ៦០លានផោននៅខែមករានេះ។
កីឡាករវ័យ១៨ឆ្នាំខាងលើ បានបង្ហាញខ្លួនក្នុងឈុតធំ Bayer Leverkusen តាំងពីឆ្នាំមុនម្ល៉េះ និងទទួលបានការចាប់អារម្មណ៍ជាច្រើនពីសំណាក់ក្លឹបធំៗ។ ជាក់ស្ដែង Man Utd ក្រោមការដឹកនាំរបស់លោក Ralf Rangnick ក៏ចង់បានរូបគេដូចគ្នា។ ខ្សែបម្រើខាងលើត្រូវបានគេដឹងថាត្រូវបិសាចក្រហមទាក់ទងនិងចង់ទិញយកនៅខែមករាតែម្ដងក្នុងតម្លៃខ្លួន៦០លានផោន។
លោក Rangnick ចង់បានកីឡាករខាងលើដើម្បីមកលេងជាមួយ Bruno ដែលនៅតំបន់បម្រើស្រាប់។ Wirtz លេងនៅតំបន់ដូច Bruno ដែរ ហើយប្រសិនបើបានចាប់ដៃគូគ្នាទៀត នោះនឹងធ្វើឱ្យការប្រយុទ្ធរបស់ Man Utd កាន់តែមុតស្រួចបន្ថែមទៀត។
កីឡាករវ័យ១៨ឆ្នាំខាងលើរកបាន៥គ្រាប់ និងបញ្ជូនបាល់បាន៨គ្រាប់ហើយក្នុងការបង្ហាញខ្លួន១៥ប្រកួតនៅលីគអាល្លឺម៉ង់នារដូវកាលនេះ៕ប្រភព៖ DailyMail
