ក្រុម Real Madrid បានកោះហៅកីឡាករយុវជន៧នាក់ឡើងមកលេងនៅឈុតធំ ក្រោយពីសមាជិកក្រុមឆ្លងមេរោគកូវីដ១៩ច្រើននាក់ និងមានបញ្ហារបួសថែមទៀត។
មុនឆ្លងឆ្នាំថ្មីខាងមុខ ក្រុម Real Madrid នៅសល់ការប្រកួត១ប្រកួតទៀតដែលនឹងត្រូវប៉ះក្រុម Athletic Club នៅម៉ោង៣:៣០នាទីព្រឹកស្អែក។ ប្រកួតនោះដែរ គេនឹងឃើញក្រុមរបស់លោក Carlo Ancelotti ប្រើប្រាស់កីឡាករយុវជនច្រើនមិនខាន ព្រោះក្រុមឈុតធំច្រើននាក់អវត្ដមានដោយសារកូវីដ១៩ផង និងបញ្ហារបួសផងដែលសរុបទៅដល់ទៅ១១នាក់ឯណោះ។
រំលឹកថានៅត្រឹមពេលនេះ ក្រុម Real Madrid ឈរនៅកំពូលតារាង La Liga ដោយមាន៤៣ពិន្ទុ ដាច់ក្រុមលេខ២ Sevilla ចំនួន៥ពិន្ទុ។ ស្របពេលក្រុម Athletic Club វិញពួកគេនៅលេខ១០ក្នុងតារាង ដោយទើបមាន២៤ពិន្ទុប៉ុណ្ណោះ៕ ប្រភព៖ MARCA
