ក្រុមហង្សក្រហម Liverpool បានយកឈ្នះលើក្រុម Newcastle United បានក្នុងលទ្ធផល ៣-១ សម្រាប់ការប្រកួតសប្ដាហ៍ទី១៧ក្នុងក្របខណ្ឌ English Premier League។
ក្រុមរបស់លោក Jurgen Klopp មិនដែលធ្វើឱ្យឱកាសរបូតនោះទេសម្រាប់ការប្រកួតប្រជែងពិន្ទុនេះ។ ជាក់ស្ដែងនៅយប់មិញ ទល់ក្រុម Newcastle ពួកគេនៅតែធ្វើបានល្អដដែល ដោយរកបាន៣គ្រាប់ ពីកីឡាករ Diogo Jota នៅនាទី២១ Mohamed Salah នៅនាទី២៥ និងខ្សែការពារ Arnold នៅនាទី៨៧។
ជាមួយការបាន៣ពិន្ទុបន្ថែមនេះ ក្រុម Liverpool មាន៤០ពិន្ទុ ចាញ់ក្រុម Manchester City ដែលឈរនៅកំពូលតារាងតែ១ពិន្ទុប៉ុណ្ណោះ។ ក្រុមទាំងពីរនេះត្រូវបានគេមើលឃើញថាកំពុងប្រជែងខ្លាំង ខណៈដែលក្រុមលេខ៣ Chelsea វិញ ហាក់ឆ្ងាយបន្ដិចហើយ ពោលគឺទើបតែមាន៣៧ពិន្ទុប៉ុណ្ណោះ៕ប្រភព៖ DailyMail
