• Bayern Munich ​ស្មើ​លើក​ដំបូង​ក្នុង​រដូវ​កាល​នេះ ​១-១ ជាមួយ​ Augsburg

    Bayern Munich ​បាន​ធ្វើ​ឱ្យ​អ្នក​គាំទ្រខក​ចិត្ត​ក្នុង​ទឹក​ដី​របស់​ខ្លួន​ឯង ​ដោយ​លេង​បាន​ត្រឹម​ស្មើ​ជាមួយ​ក្រុម Augsburg ១-១ ប៉ុណ្ណោះ ​ក្នុង​ការ​ប្រកួត​លីគ​កំពូល​អាល្លឺម៉ង់​នៅ​យប់មិញ​នេះ។

    ខ្សែ​ប្រយុទ្ធ Arjen Robben ​រក​គ្រាប់​បាល់​នាំ​មុខ​មុន​ឱ្យ Bayern ​នៅ​នាទី​៤៨ ប៉ុន្តែ​ត្រូវ Felix Gotze ​រក​គ្រាប់​បាល់​បាន​ស្មើ​វិញ ​នៅ​នាទី​៨៦ ​ចុង​ម៉ោង​ទៅ​ហើយ។ នេះ​ជា​

    លទ្ធផល​ស្មើ​គ្នា​លើក​ដំបូង​របស់​ក្រុម​យក្ស​នៅ​អាល្លឺម៉ង់ ​ក្រោយ​ពី​ឆ្លង​កាត់​ការ​ប្រកួត​បើក​រដូវ​កាល​នេះ​ឈ្នះ​ជាប់​ៗ​គ្នា​តែ​ម្ដង។ ត្បិត​តែ​បាន​ត្រឹម​១​ពិន្ទុ​មែន ប៉ុន្តែ Bayern ​

    នៅ​តែ​រក្សា​កំពូល​តារាង​បាន​ដដែល ​ដោយ​មាន​១៣​ពិន្ទុ ​ឆ្លង​កាត់​៥​ប្រកួត ​តាម​ពី​ក្រោយ​ដោយ​ក្រុម Werder Bremen ​មាន​១១​ពិន្ទុ។

    នេះ​ជា​ការ​ប្រកួត​ពាក់​កណ្ដាល​សប្ដាហ៍​របស់​លីគ​នៅ​អឺរ៉ុប ​ខណៈ​ដែល​ចុង​សប្ដាហ៍​នេះ ពួកគេ​ក៏​ត្រូវ​លេង​បន្ដ​ទៀត​ដែរ។ Bayern Munich ​នឹង​ត្រូវ​ប៉ះ​ក្រុម Hertha BSC ​នៅ​ថ្ងៃ​សៅរ៍ ​ក្នុង​ការ​ប្រកួត​សប្ដាហ៍​ទី​៦ ​លីគ​កំពូល​អាល្លឺម៉ង់៕ប្រភពDailyMail

    ភ្ជាប់ទំនាក់ទំនងជាមួយ CTS SPORT