លោក Mikel Arteta អ្នកចាត់ការក្រុមកាំភ្លើងធំ Arsenal នឹងដកស្លាកប្រធានក្រុមចេញពីខ្សែប្រយុទ្ធ Aubameyang ហើយ បន្ទាប់ពីរូបគេបង្ហាញកាយវិការមិនសមរម្យកន្លងមក។
កាលពីប្រកួតកន្លងទៅនេះ Aubameyang មិនបានចូលលេងនោះទេ ដោយសារតែរូបគេត្រលប់មកពីបារាំងវិញយឺតពេល។ ខណៈដែលខ្លួនជាប្រធានក្រុមផង បែរជាមិនអាចបំពេញតួនាទីបាននេះហើយ ទើបធ្វើឱ្យលោក Arteta ខឹង រហូតសម្រេចប្រជុំដកតំណែងរបស់គេចេញតែម្ដងកាលពីម្សិលមិញនេះ។ ជាមួយគ្នានេះដែរ ការដកនេះក៏ទំនងជាមានហេតុផលនៅពីក្រោយច្រើនទៀត ជាជាងការមកយឺតរបស់គេផង។
រហូតមកដល់ពេលនេះ Arsenal មិនទាន់សម្រេចថានរណានឹងបន្ដជាប្រធានក្រុមថ្មីនោះទេ ដោយបេក្ខភាពមានច្រើន តែគេសង្កេតឃើញថា Alexandre Lacazette អាចនឹងមានភាគរយខ្ពស់។ ក្រុមកាំភ្លើងធំ ហាក់រកប្រធានក្រុមមិនបានល្អនោះទេ ដោយកន្លងមក Granit Xhaka ក៏ត្រូវដកតំណែងដោយសារតែមានរឿងមិនល្អកើតឡើងផងដែរ៕ប្រភព៖ DailyMail
