ក្រុមបិសាចក្រហម Manchester United ត្រៀមប្រកាសតែងតាំងលោក Ralf Rangnick ធ្វើជាគ្រូបង្វឹករបស់ខ្លួនរយៈពេល៦ខែ ជំនួសតំណែងរបស់លោក Ole ។
លោក Ralf Rangnick នឹងមកកាន់តំណែងនៅសប្ដាហ៍ក្រោយ បន្ទាប់ពីការរៀបចំលិខិតការងាររួចរាល់ ពោលគឺលោកមិនទាន់អាចដឹកនាំក្រុម Man Utd ប្រកួតទល់ Chelsea បាននោះទេ។ តែយ៉ាងណាដំណឹងនៃការរកបានអ្នកចាត់ការថ្មីនេះដែរ ក៏ធ្វើឱ្យអ្នកគាំទ្រសប្បាយចិត្តវិញដែរ ព្រោះលោក Rangnick នេះ ជាអ្នកចាត់ការឆ្នើមម្នាក់និងសំបូរទៅដោយបទពិសោធតែម្ដង។
យ៉ាងណាមិញ បញ្ហាក៏នៅតែមានច្រើនសម្រាប់បិសាចក្រហមផងដែរ។ ក្រុមមួយនេះ នឹងត្រូវរៀបចំឡើងវិញច្រើន ក៏ព្រោះតែកីឡាករម្នាក់ៗហាក់បាក់ទឹកចិត្តលេងទៅហើយ។ ត្រឹមពេល៦ខែ ប្រសិនបើលោកអាចកែប្រែស្ថានភាពបាន នោះ Man Utd នឹងផ្ដល់កុងត្រាបន្ថែមច្រើនឆ្នាំទៀតជាក់ជាមិនខាន៕ប្រភព Bbc
