ក្លឹបសារិកាព្រៃ Newcastle United ត្រូវបានគេរាយការណ៍ថា កំពុងចាប់ចិត្តលើខ្សែបម្រើនៃក្លឹប Tottenham Hotspur គឺ Harry Winks ដោយចង់បើកការនាំយក នៅខែមករាឆ្នាំ ២០២២ ខាងមុខ ឬកំឡុងទីផ្សារដោះដូររដូវរងា។
បុរសវ័យ ២៥ ឆ្នាំនៅរដូវកាលថ្មី ២០២១/២២ ទើបតែលេងបាន ៦១ នាទីប៉ុណ្ណោះ នៅក្របខ័ណ្ឌ PL ហើយក្រោមការដឹកនាំរបស់លោក Antonio Conte ក៏គេនៅមិនទទួលបានឱកាសជាប់លាប់ដដែល។
បើតាមសារព័ត៌មាន Daily Mail ចុះផ្សាយថា អ្នកចាត់ការថ្មីលោក Eddie Howe កំពុងចាប់ចិត្តលើគុណភាពរបស់ Winks ហើយជឿថា Conte នឹងបើកផ្លូវអនុញ្ញាតឲ្យគេចេញ។ យ៉ាងណា Newcastle ប្រហែលជានឹងត្រូវប្រជែងជាមួយក្លឹបរួមលីគ ២ ផ្សេងទៀត គឺ Everton និង Aston Villa។
រំឭកដែរថា ក្នុងអាជីព Winks គេមិនទាន់ផ្ទេរទៅក្លឹបថ្មីណាមួយទេ ក្រៅពី Spurs ដោយបានឡើងមកលេងនៅឈុតធំ នារដូវក្តៅ ឆ្នាំ ២០១៦។ សរុបការបង្ហាញខ្លួន ២១២ ប្រកួត គេរកបាន ៧ គ្រាប់និង Assist ៥ លើក ខណៈសុពលភាពកុងត្រាត្រូវផុតនៅចុងខែមិថុនា ឆ្នាំ ២០២៤៕
ប្រភព៖ Daily Mail