លោក Jose Mourinho អ្នកចាត់ការក្រុម Manchester United បាននិយាយក្រុមរបស់ខ្លួននឹងមិនងាយទទួលបានពានរង្វាន់ឡើយ ព្រោះជួបការលំបាកច្រើនណាស់។
បើករដូវកាល Man Utd ធ្វើមិនបានល្អឡើយ ដែលធ្វើឱ្យអ្នកគាំទ្រអាក់អន់ចិត្តជាខ្លាំង រហូតដល់ចង់ឱ្យក្លឹបបណ្ដេញលោក Jose ចោលទៀតផង។ យ៉ាងណាមិញ ៣ប្រកួតចុងក្រោយឈ្នះទាំង៣ប្រកួតវិញនោះ សម្ពាធចាប់ផ្ដើមថមថយវិញហើយ ប៉ុន្តែអ្នកចាត់ការសញ្ជាតិព័រទុយហ្គាល់មើលឃើញថារឿងលំបាកនឹងកើតឡើងថែមទៀត នារដូវកាលនេះ។
អ្នកចាត់ការល្បីឈ្មោះខាងលើបាននិយាយដូច្នេះថា៖ “ខ្ញុំគិតថារដូវកាលនេះ ជារដូវកាលពិបាកបំផុតសម្រាប់យើង។ អ្នកបានឃើញហើយ ថាក្រុម Chelsea , Man City Liverpool ជាដើមនោះ សុទ្ធ តែត្រៀមខ្លួនបានល្អណាស់។ ពួកគេមានកីឡាករល្អៗ និងការចំណាយច្រើន។ ដូច្នេះតម្រូវការយកពានរង្វាន់របស់គេក៏ច្រើនទៅតាមនោះដែរ។ តែយើងនឹងប្រឹងប្រែង ហើយយើងនឹងលេងឱ្យបានល្អជាងពេលបច្ចុប្បន្ននេះ”។
សូមបញ្ជាក់ថា Man Utd នឹងត្រូវលេងសប្ដាហ៍ទី៦នៃលីគកំពូលអង់គ្លេស នៅម៉ោង៩យប់នេះ ដោយប៉ះជាមួយក្រុមទើបតែឡើងមកពីលីគទី ២ Wolver នៅទឹកដី Old Trafford ៕ប្រភពDailyMail
