Achraf Hakimi នៅរយៈពេលចុងក្រោយ បានឡើងជើងខ្លាំង ដោយគេមានក្លឹបជាច្រើនតាមចរចាទិញយក កំឡុងពេលឈរជើងឲ្យក្លឹប Inter Milan នៅរដូវកាលដែលក្រុមឈ្នះពាន Serie A។ សារនោះមានតាំងពីក្លឹប Chelsea, Paris Saint-Germain និងការដែលអាចវិលត្រលប់ទៅកាន់ Real Madrid ជាដើម។
យ៉ាងណាតាមការបញ្ជាក់របស់បុរសវ័យ ២២ ឆ្នាំ បាននិយាយកន្លងទៅនេះថា ការបដិសេធក្លឹបធំដូចជា Chelsea គឺមិនមែនជាកំហុសអ្វីនោះទេ ព្រោះអីពេលនេះជាមួយក្លឹប PSG គឺគេពិតជារីករាយខ្លាំង។ ស្ថិតិបង្ហាញខ្លួន ៩ ប្រកួត គេរកបាន ៣ គ្រាប់និង Assist ២ លើក នាមជាខ្សែការពារដ៏សំខាន់មួយ។
Hakimi ថា៖ “ពេលខ្ញុំទទួលបានសំណើទាំង ២ នោះ [PSG/Chelsea] ខ្ញុំមានចិត្តថាចង់ទៅប៉ារីសហើយ ជាកន្លែងធ្វើឲ្យខ្ញុំរីករាយ ដោយ PSG ជាក្លឹបល្អមួយ ហើយមនុស្សនៅទីនេះពួកគេចង់បានខ្ញុំ ខ្ញុំពិតជាសំណាងដែលទទួលបានសំណើដ៏ធំបែបហ្នឹង ដោយខ្ញុំច្បាស់ខ្លួនឯងថាមិនបានបង្កើតកំហុសអ្វីនោះទេ ព្រោះពេលនេះខ្ញុំមានអារម្មណ៍ល្អ និងមោទនភាពក្លាយជាផ្នែកមួយនៃក្រុមនេះ”៕
ប្រភព៖ Sportskeeda