Real Madrid បានឆ្លងផុតទៅកាន់វគ្គផ្តាច់ព្រ័ត្រក្របខ័ណ្ឌ Champions League មួយផ្សេងទៀតកាលពីថ្ងៃពុធ ខណៈដែលពួកគេបានយកឈ្នះលើក្រុម Bayern Munich ក្នុងការប្រកួតវគ្គពាក់កណ្តាលផ្តាច់ព្រ័ត្ររបស់ពួកគេ ដោយបានយកឈ្នះក្នុងលទ្ធផល ៤-៣ បន្ទាប់ពីទទួលជ័យជម្នះ ២-១ ក្នុងជើងទីពីរនៅកីឡដ្ឋាន Santiago Bernabeu ។
ពីរគ្រាប់ចុងម៉ោងរបស់ Joselu បានផ្លាស់ប្ដូរការប្រកួតទាំងស្រុង ក៏ប៉ុន្តែបន្ទាប់ពីនោះក៏មានភាពចម្រូងចម្រាសខ្លាំងកើតឡើងទៅលើគ្រាប់បាល់របស់ Matthijs de Ligt ដែលបានស៊ុតបាល់បញ្ចូលទី ២-២ ប៉ុន្តែអជ្ញាកណ្ដាលខ្សែរបន្ទាប់បានលើកទង់ថាការបញ្ជូនបាល់ពី Noussair Mazraoui នោះបាន offside ។ គ្រូបង្វឹកក្រុម Bayern លោក Thomas Tuchel មានការខឹងសម្បារយ៉ាងខ្លាំងនៅពេលនោះ ហើយគាត់បានបង្ហាញពីអារម្មណ៍របស់គាត់យ៉ាងច្បាស់មកកាន់ DAZN Germany ថា :
“ខ្ញុំគិតថាវាជាគ្រោះមហន្តរាយជាដាច់ខាត។ ជាមួយនឹងគ្រាប់បាល់ទីពីរដែលសុតទៅលើ Real Madrid ពួកគេបានអនុញ្ញាតលេងបន្ត ដោយមិនបានធ្វើអ្វីទាំងអស់ (សំដៅលើ VAR)។ ច្បាប់ច្បាស់លាស់គឺថាប្រកួតត្រូវតែបន្ត។ កំហុសទីមួយត្រូវបានធ្វើឡើងដោយកីឡាករខ្សែបន្ទាត់ ទីពីរដោយអាជ្ញាកណ្តាលលើទីលាន។ វាជាការបំពានច្បាប់យ៉ាងច្បាស់”។
ក្នុងអំឡុងពេលផ្ដល់បទសម្ភាសន៍បន្ថែមជាមួយ Movistar (កាសែត Marca) លោក Tuchel បានចង្អុលបង្ហាញយ៉ាងម៉ឺងម៉ាត់ចំពោះការស្តីបន្ទោសនៅក្នុងការណែនាំទៅកាន់ក្រុមអាជ្ញាកណ្តាល ហើយគាត់ក៏ហាក់ដូចជាបង្ហាញពីសម្ពាធពីក្រុម Real Madrid និងក្រុម Santiago Bernabeu ដែលដើរតួជាផ្នែកមួយក្នុងការសម្រេចចិត្តរបស់ពួកគេ។
“តើខ្ញុំគិតយ៉ាងណាចំពោះ Bernabeu? វាពិតជាមានឥទ្ធិពលលើអាជ្ញាកណ្តាល។
យ៉ាងណាមិញ Real Madrid នឹងមិនខ្វល់ខ្វាយចំពោះរឿងនោះទេ ពួកគេកំពុងត្រៀមខ្លួនក្នុងការប្រកួតវគ្គផ្តាច់ព្រ័ត្រ Champions League ក្នុងរយៈពេលតិចជាង ៤សប្តាហ៍ទៀត។
ប្រភព បរទេស