កំពូលអ្នកប្រដាល់ Manny Pacquiao បានប្រកាសបញ្ចប់អាជីពប្រដាល់ត្រឹមនេះហើយ ក្រោយពីលោកសម្រេចចិត្តឈរឈ្មោះធ្វើជាប្រធានាធិបតីហ្វីលីពីននៅឆ្នាំ២០២២។
បុរសវ័យ៤២ឆ្នាំខាងលើនេះ បានចាប់អាជីពប្រដាល់តាំងពីឆ្នាំ១៩៩៥មកម្ល៉េះ ដោយតស៊ូរហូតមានឈ្មោះល្បីដល់បច្ចុប្បន្ននេះ។ លោកក្រៅពីប្រដាល់នេះហើយ ក៏ចាប់ផ្ដើមជ្រៀតចូលការងារនយោបាយផងដែរតាំងពីឆ្នាំ២០១០មក។ ខណៈដែលនៅឆ្នាំ២០២២ខាងមុខ ក៏ស្រាប់តែមានដំណឹងផ្លូវការថា Manny Pacquiao នឹងឈរឈ្មោះជាប្រធានាធិបតីហ្វីលីពីនផងដែរ។ ដោយការអះអាងនេះសបញ្ជាក់ឱ្យឃើញថាលោកនឹងបញ្ចប់អាជីពប្រដាល់ត្រឹមនេះហើយ។ប្រភព៖ DailyMail
កីឡាករដែលធ្លាប់ប្រកួត៧២ដង ឈ្នះ៦២ ចាញ់៨និងស្មើ២ដងខាងលើបាននិយាយថាខ្លួនបានធ្វើគ្រប់យ៉ាងសម្រាប់ប្រដាល់ហើយ។ នេះជាពេលវេលាល្មមសម្រាប់ខ្លួនគិតពីគ្រួសារនិងសង្គមជាតិវិញម្ដង។ ដោយអាជីពប្រដាល់បានធ្វើឱ្យលោកកាន់តែស្រលាញ់ប្រជាជនហ្វីលីពីនខ្លាំងឡើង៕
