ក្រុមយក្សអាល្លឺម៉ង់ Bayern Munich បានយកឈ្នះលើក្រុម VfL Bochum ក្នុងលទ្ធផល ៧-០ ឯណោះក្នុងការប្រកួតលីគកំពូលអាល្លឺម៉ង់នៅយប់មិញនេះ។
ក្រុមBayern Munich បានដាក់ឈុតដំបូងរបស់ខ្លួនឱ្យលេងក្នុងការប្រកួតទល់ក្រុមក្បែរបាតតារាង VfL Bochum តែម្ដង។ ជាលទ្ធផលឃើញថាក្រុមមួយនេះ យកឈ្នះបានដល់ទៅ ៧ទល់នឹង 0 ឯណោះ ដោយ៧គ្រាប់នោះចេញពីជើងកីឡាករផ្សេងៗគ្នាផងដែរដូចជា Sane ១គ្រាប់ Kimmich ២គ្រាប់ Gnabry ១គ្រាប់ Lewandoski ១គ្រាប់ Moting ១គ្រាប់ និងបាល់ចូលទីខ្លួនឯងរបស់ខាងក្រុម VfL Bochum ១គ្រាប់។
ការទទួលបាន៣ពិន្ទុបន្ថែមទៀតនេះដែរ បានធ្វើឱ្យក្រុមរបស់លោក Julian Nagelsmann ឈរនៅកំពូលតារាងពានរង្វាន់ Bundesliga ដោយមាន១៣ពិន្ទុឆ្លងកាត់៥ប្រកួតកន្លងមកនេះ៕ប្រភព Dailymail
