ខ្សែប្រយុទ្ធ Cristiano Ronaldo បានបង្ហាញខ្លួនជាផ្លូវការហើយក្នុងឯកសណ្ឋានក្រុម Manchester United ក្រោយពីក្លឹបសម្រេចការផ្ទេរ១០០%ពីក្រុម Juventus ក្នុងតម្លៃ១៩,៨លានផោន។
Ronaldo បានបង្កើតប្រវត្តិសាស្ត្រជាច្រើនឱ្យក្រុម Man Utd អំឡុងពេលរូបគេលេងនៅទីនោះពីឆ្នាំ២០០៤ដល់២០០៩។ ក្រោមការដឹកនាំរបស់លោក Sir Alex Fugerson ខ្សែប្រយុទ្ធព័រទុយហ្គាល់រូបនេះធ្វើបានល្អណាស់ រហូតដល់ក្រុម Real Madrid សម្រេចចិត្តទិញយកក្នុងតម្លៃបំបែកកំណត់ត្រាគ្រានោះប្រមាណជាង៨០លានផោន។ ដំណើរលេងនៅអឺរ៉ុបចប់ពី Real Madrid រហូតដល់ Juventus និងពេលនេះរូបគេក៏សម្រេចចិត្តត្រលប់មកផ្ទះវិញ។
ការមកលេងឱ្យក្រុម Man Utd នេះ កីឡាករវ័យ៣៦ឆ្នាំបានបញ្ជាក់ថាជាការត្រលប់មកផ្ទះវិញ។ រូបគេមិនអាចបំភ្លេចបានចំពោះអ្វីដែលធ្លាប់ជួយក្រុមនៅ Old Trafford ឡើយ។ ដោយសង្ឃឹមថាការត្រលប់មកជាលើកទី២ នេះក៏នឹងអាចជួយក្រុមទទួលបានជោគជ័យបន្ថែមទៀតផងដែរ៕ប្រភព Dailymail
