ក្លឹប Inter Milan ទាមទារប្រាក់រហូតដល់១១០លានផោន ទើបព្រមលក់ខ្សែប្រយុទ្ធ Romelu Lukaku ឱ្យទៅក្រុម Chelsea នារដូវកាលដោះដូរកីឡាករនេះ។
Chelsea កំពុងស្វែងរកខ្សែប្រយុទ្ធឆ្នើមម្នាក់មកដាក់នៅតំបន់ប្រយុទ្ធរបស់ខ្លួននារដូវកាលថ្មីខាងមុខនេះ។ ពួកគេបានមើលឃើញអតីតកីឡាករខ្លួន Lukaku ដែលកំពុងធ្វើបានល្អនៅ Inter Milan និងបានដាក់ស្នើតម្លៃផ្ដាច់កុងត្រាគេរហូតដល់៨៥លានផោនផងដែរ។ តម្លៃនេះ ត្រូវបានក្រុម Inter Milan ដែលទើបលើកពានលីគកំពូលអ៊ីតាលីរដូវកាលមុន ច្រានចោលទៅហើយ។
ក្លឹបអ៊ីតាលីមួយនេះ បានបង្ហើបថាពួកគេចង់បានរហូតដល់១១លានផោនឯណោះទើបព្រមលក់ចេញខ្សែប្រយុទ្ធឆ្នើមរបស់ខ្លួនទៅឱ្យក្រុម Chelsea វិញ។ តម្លៃជាង១០០លានផោននេះ ទំនងជាក្រុមតោខៀវមិនព្រមនោះទេ។ ដោយបានបញ្ជាក់ថាតម្លៃនេះខ្ពស់ខ្លាំងពេក ហើយលោក Thomas Tuchel ក៏កំពុងមើលខ្សែប្រយុទ្ធថ្មីទៀតផងដែរ៕ប្រភព Dailymail
