ខ្សែការពារស្លាប Dani Carvajal របស់ក្លឹប Real Madrid ទីបំផុតបានព្រមព្រៀងលើការបន្តកុងត្រាថ្មីជាផ្លូវការហើយ ពោលគឺបន្ថែមដល់ឆ្នាំ ២០២៥។ ដ្បិតបើរដូវកាលមុន គេមិនសូវបានលេង ដោយសារកើតមានបញ្ហារបួស តែគេជឿថានៅរដូវកាលក្រោយ Carvajal នឹងមានចំណែកសំខាន់ច្រើន ពោលក្រោយពេលក្លឹបបាត់បង់ខ្សែការពារសំខាន់ Sergio Ramos និង Raphael Varane។
ការចុះហត្ថលេខារបស់ Carvajal ក៏រាប់បានថាក្លាយជាកីឡាករទី ៤ នៅក្លឹបអធិរាជស ដែលបានចុះហត្ថលេខាលើកុងត្រានៅរដូវក្តៅ ខណៈកន្លងមកមានដូចជា Luka Modric បន្តដល់ឆ្នាំ ២០២២, Lucas Vazquez បន្តដល់ឆ្នាំ ២០២៤ និង Nacho បន្តដល់ឆ្នាំ ២០២៣។ អ្នកបន្ទាប់អាចជា Karim Benzema ស្របពេលដែលកុងត្រាបច្ចុប្បន្នត្រូវផុតនៅឆ្នាំក្រោយ។
គួរបញ្ជាក់ថា បើរាប់ទាំងកាលនៅឈុតតូច គឺ Carvajal ចាយពេលជាង ១០ ឆ្នាំហើយជាមួយក្លឹប តែទើបមកដល់ឆ្នាំ ២០១៣ នេះទេដែលគេផ្ទេរមកលេងឲ្យឈុតធំ បន្ទាប់ពី Real ចរចាទិញយក Bayer Leverkusen វិញនៅតម្លៃខ្ពស់ជាងមុន ១,៥ លានអឺរ៉ូ។ ចាយពេលសរុប ២៩៤ ប្រកួត គេរកបាន ៦ គ្រាប់និង Assist ៥០ លើក ហើយឈ្នះពានរង្វាន់សរុបចំនួន ១៦ លើក៕
ប្រភព៖ Marca