ក្រុមអ្នកមានបារាំង PSG ចាប់ផ្ដើមចាប់អារម្មណ៍លើខ្សែបម្រើ Paul Pogba ហើយ បន្ទាប់ពីក្រុមបិសាចក្រហម Manchester United ក៏មានបំណងចង់លក់រូបគេចេញផងដែរ។
ប្រភពនៅអង់គ្លេសបានបញ្ជាក់ថាភ្នាក់ងារទីផ្សាររបស់ Pogba បានជួបចរចាលក្ខខណ្ឌផ្ទាល់ខ្លួនជាមួយក្រុម PSG ទៅហើយ។ ដោយពួកគេសង្ឃឹមថាក្រុមបិសាចក្រហម Manchester United នឹងលក់អតីតកីឡាករ Juventus រូបនេះក្នុងតម្លៃខ្លួន៤៣លានផោនប៉ុណ្ណោះ ពោលគឺពាក់កណ្ដាលនៃតម្លៃខ្លួនរបស់គេកាលពីផ្ទេរមកនៅឆ្នាំ២០១៦។
Pogba នៅសល់កុងត្រាជាមួយក្រុមបិសាចក្រហមត្រឹម១រដូវកាលថ្មីខាងមុខនេះទៀតប៉ុណ្ណោះ ដែលខ្សែបម្រើរូបនេះរកបាន២៩០ ០០០ផោនក្នុង១សប្ដាហ៍។ ការសល់កុងត្រាតិចនេះហើយ ទើបបានជាគេយល់ឃើញថា ក្រុម Man Utd ទំនងជាចង់លក់ខ្លាំង ជាជាងទុកឱ្យកីឡាករអស់កុងត្រាដើរចេញដោយមិនមានតម្លៃខ្លួននោះ៕ប្រភព Dailymail
