Christian Eriksen កំពុងសម្រាកព្យាបាលជំងឺបេះដូងរបស់ខ្លួន បន្ទាប់ពីវាបានកើតឡើងអំឡុងពេលរូបគេលេងឱ្យក្រុមដាណឺម៉ាកក្នុងពានរង្វាន់ Euro 2020 ។
កីឡាករវ័យ២៩ឆ្នាំបានដួលលើទីលាន ក្នុងការប្រកួតជាមួយក្រុមហ្វ្រាំងឡង់ ហើយក្រុមគ្រូពេទ្យបានជួយសង្គ្រោះទាន់ពេលវេលា។ បន្ទាប់ពីពិនិត្យមើលទៅ ក៏រកឃើញថាអតីតកីឡាករ Spurs រូបនេះមានជំងឺគាំងបេះដូង និងត្រូវប្រើប្រាស់ឧបករណ៍ជំនួយផងដែរ។ រហូតមកដល់ពេលនេះ រូបគេមិនទាន់ស្រួលខ្លាំងនោះទេ ដោយត្រូវតាមដាននិងព្យាបាលបន្ដទៀត។
បើតាមអ្នកជំនាញនៅខាង Serie A វិញ បានអះអាងថា Eriksen នឹងមិនអនុញាតិឱ្យចូលលេងវិញនៅ Serie A នោះទេ ដោយសារតែបញ្ហាគាំងបេះដូងនេះ។ តែប្រសិនបើរូបគេអាចព្យាបាលជាសះស្បើយ និងមិនចាំបាច់ប្រើឧបករណ៍ជំនួយទៀត នោះទើបអាចចូលលេងបានវិញ។ តែនេះនឹងត្រូវការពេលវេលាយូរទៅមុខទៀត ដើម្បីតាមដានបញ្ហាបេះដូងនេះ៕ប្រភព៖ DailyMail
