ក្រុម Spurs ចង់បានខ្សែការពារ Cristian Romero ពីក្រុម Atalanta ដោយដាក់ស្នើតម្លៃ៣៤លានផោន និងបន្ថែម៨លានផោនទៀតផងដែរ ប្រសិនបើរូបគេជួយក្លឹបបានច្រើន។
Romero ត្រូវបានក្រុម Atalanta ខ្ចីជើងពីក្រុម Juventus មកកាលពីឆ្នាំ ២០២០កន្លងទៅជាមួយកុងត្រា២ឆ្នាំ ហើយនឹងទិញយកដាច់ថែមទៀតនៅពេលអស់កុងត្រាខ្ចីជើងនេះក្នុងតម្លៃ១៣លានផោន។ តែក្រោយពីលេងបាន១ឆ្នាំមក ពេលនេះក្រុម Spurs បានចាប់អារម្មណ៍លើកីឡាករអាហ្សង់ទីននេះហើយ។ ពួកគេបានស្នើសុំទិញយកក្នុងតម្លៃ៣៤លានផោន ប៉ុន្តែមិនទាន់ច្បាស់នោះទេថា ក្រុម Atalanta លក់ឬអត់។
រំលឹកថាក្រុម Spurs នេះ ទើបតែចុះកុងត្រាខ្ចីជើងអ្នកចាំទី Pierluigi Gollini ពីក្រុម Atalanta មកដែរទេ។ ខណៈដែលក្រោមការដឹកនាំរបស់លោក Nuno ឃើញថាក្រុមមាន់ខ្នាយមាសបានកែប្រែនិងដោះដូរកីឡាករច្រើនកន្លងមកនេះ៕ប្រភព៖ DailyMail