ទីបំផុត ONE Championship បានវិលត្រឡប់មកវិញក្នុងព្រឹត្តិការណ៍ប្រកួតឆមាសទី២នៃឆ្នាំ២០២១ហើយ។ សម្រាប់ព្រឹត្តិការណ៍ប្រកួតទី១ក្នុងឆមាសទីពីរនេះវិលទៅកាន់សមរភូមិសង្វៀន Singapore Indoor Stadium គឺ ONE: BATTLEGROUND នាថ្ងៃសុក្រ ទី៣០ ខែកក្កដា ចុងខែនេះដែលមានការប្រកួតដណ្តើមខ្សែក្រវាត់ពិភពលោក។
គូឯកប្រចាំព្រឹត្តិការណ៍ម្ចាស់ខ្សែក្រវាត់ពិភពលោក ONE Strawweight ពីរប្រភេទកីឡាករខ្លាកំណាច Sam-A Gaiyanghadao ត្រូវការពារខ្សែក្រវាត់មួយថៃរបស់ខ្លួនទល់នឹងតារាប្រដាល់ទើបចុះកុងត្រាថ្មី និងជាមិត្តរួមជាតិ Prajanchai PK.Saenchai Muaythaigym។
View this post on Instagram
Sam-A មានកំណត់ត្រាប្រកួតឈ្នះ ៣៧០ដង ចាញ់៤៧ដង និងស្មើ៩ដងដែលជាខ្លាចាស់ និងវីរុសបុរសប្រដាល់មួយថៃម្នាក់ដែលមិនទាន់មានអ្នកផ្តួលឡើយលើឆាកអន្តរជាតិ។
បន្ទាប់ពីគាត់ឈ្នះជើងឯកមួយថៃពិភពលោក ONE Flyweight គាត់បានទម្លាក់ទម្ងន់ហើយបានឈ្នះជើងឯកមួយទៀតគឺខ្សែក្រវាត់ឃីកបុកសីងពិភពលោក ONE Strawweight ក្នុងខែធ្នូ ឆ្នាំ២០១៩ ហើយពីរខែក្រោយមកបានឈ្នះខ្សែក្រវាត់មួយថៃពិភពលោក ONE Strawweight។
ក្រោយមកការឡើងប្រកួតការពារខ្សែក្រវាត់ពិភពលោកបានជោគជ៧យដោយបានផ្តួលជើងខ្លាំងចំណាត់ថ្នាក់លេខ១ក្នុងតារាងចំណាត់ថ្នាក់ Josh “Timebomb” Tonna កាលពីខែតុលា។
អ្នកលេចមុខថ្មី PK.Saenchai Muaythaigym ត្រូវបានគេចាត់ទុកជាតារាប្រដាល់មួយថៃដ៏ឆ្នើមម្នាក់ ដូច្នេះហើយទើបជារូបគេបានឱកាសប្រកួតដណ្តើមខ្សែក្រវាត់ បន្ទាប់ពីចុះកុងត្រា។ ជាមួយបទពិសោធឈ្នះ ៣៣៧ដង ចាញ់៥១ដង និងស្មើ៣ដង រូបគេបានឈ្នះខ្សែក្រវាត់ និងខ្សែក្រវាត់នៅសង្វៀន Lumpinee និង Rajadamnern ជាច្រើនមកហើយ មុនពេលបោះជំហានចូលសង្វៀន ONE.
ឥឡូវនេះ កីឡាករអាយុ២៦ឆ្នាំត្រូវពាក់ស្រោមដៃគុនចម្រុះ៤អោនដើម្បីស្វែងរកខ្សែក្រវាត់ពិភពលោកបន្ថែមទៀត ហើយត្រូវបានគេចាត់ទុកជាផ្កាយគ្រោះម្នាក់ដល់អធិរាជសង្វៀនដែលជារៀមច្បង។
ព្រឹត្តិការណ៍ ONE: BATTLEGROUND ក៏នឹងឃើញការវិលត្រឡប់មកវិញនូងវីរបុរសមីយ៉ាន់ម៉ា Aung La “The Burmese Python” N Sang និង Leandro “Wolf” Ataides ដែលអ្នកទាំងពីរសុទ្ធតែបរាជ័យក្រោមជើងខ្លាំង និងម្ចាស់ខ្សែក្រវាត់ថ្មីពីរគ្រឿង Reinier “The Dutch Knight” de Ridder។
ពស់ថ្លានភូមា Aung La N Sang ជាជើងឯកពិភពលោកទី១របស់មីយ៉ាន់ម៉ា ប៉ុន្តែកាលពីប៉ុន្មានខែមុនខ្សែក្រវាត់ពិភពលោក២គ្រឿងរបស់គេធ្លាក់ទៅលើជើងខ្លាំងតែម្នាក់ ដូច្នេះការវិលត្រឡប់មកវិញនេះគឺដើម្បីបើកផ្លូវឆ្ពោះទៅរកខ្សែក្រវាត់របស់ខ្លួនមកវិញ។
ចំណែក Ataides ជាជើងឯកជឺជីតស៊ូពិភពលោក៥សម័យកាលមុនពេលបោះជំហានចូលគុនចម្រុះ ប៉ុន្តែបន្ទាប់ពីទទួលបានជ័យជម្នះ១១លើក ការប្រកួតចុងក្រោយរូបគេចាញ់ De Ridder កាលពីខែកុម្ភៈ ឆ្នាំ២០២០ ដូច្នេះច្បាស់ណាស់រូបគេក៏រកផ្លូវទៅរកខ្សែក្រវាត់ដែរ។
វត្តមានតារាឆ្នើមៗជាច្រើននៅព្រឹត្តិការណ៍ ONE: BATTLEGROUND គឺកីឡាការិនីវ័យក្មេងទើបអាយុ១៧ឆ្នាំ Victoria “The Prodigy” Lee ក៏ត្រូវឡើងសង្វៀនជាលើកទី២ ជាមួយគ្នាខ្លាញីឥណ្ឌា Ritu “The Indian Tigress” Phogat ក៏វិលមកវិញដែរ ហើយកីឡាករថៃជំនាញឃីកបុកសីង Sitthichai “Killer Kid” Sitsongpeenong ត្រូវជួប Tayfun “Turbine” Ozcan។
សមាសភាពគូប្រកួតពេញ ONE: BATTLEGROUND
ជើងឯក Sam-A ប៉ះ Prajanchai (ប្រកួតដណ្តើមខ្សែក្រវាត់មួយថៃ ONE Strawweight)
ពស់ថ្លានមីយ៉ាន់ម៉ា Aung La N Sang ប៉ះ Leandro Ataides (ប្រកួតគុនចម្រុះ)
អ្នកលេងឃីកបុកសីងថៃ Sitthichai ប៉ះ Tayfun Ozcan (ប្រកួតឃីកបុកសីង)
ខ្លាញីឥណ្ឌា Ritu Phogat ប៉ះ Lin Heqin (ប្រកួតគុនចម្រុះ)
អ្នកលេងគុនចម្រុះចិន Chen Rui ប៉ះ Jeremy Pacatiw (ប្រកួតគុនចម្រុះ)