Brandon “The Truth” Vera បានគ្រងខ្សែក្រវាត់ ONE Heavyweight World Championship រយៈពេលជាង ៥ ឆ្នាំ ហើយកីឡាករមួយចំនួនប៉ងចង់ជួបរូបគេ។
អ្នកដែលចង់ជួបតារាហ្វីលីពីន-អាមេរិក ខ្លាំងជាងគេនាពេលនេះ គឺជើងខ្លាំងអីរ៉ង់ Amir Aliakbari។ មុនពេល គេចូលប្រកួតនៅសង្វៀន ONE Championship តារាអ៊ីរ៉ង់ បានគ្រលាស់ឈ្មោះរបស់ Vera នៅក្នុងអណ្ដាតរហូតមកហើយ ប៉ុន្តែ “The Truth” មិនទាន់បានជួបឡើយ។
សូមតាមដានរឿងរ៉ាវមួយចំនួន និងសង្គ្រាមពាក្យសម្ដី រវាងបុរសទាំងពីរ ដែលអាចប៉ះគ្នាដូចខាងក្រោម។
អំពី Vera
Vera មិនចាំបាច់បង្ហាញការណែនាំដល់អ្នកគាំទ្រក្នុងលោកនោះទេ។ ក្រោយធ្វើឲ្យមានឈ្មោះបោះសំឡេងនៅអាមេរិកខាងជើង គេត្រលប់មកកាន់តំបន់អាស៊ីដោយចូលរួមប្រកួតនៅ ONE Championship និងធ្វើបានល្អបំផុតនៅទម្ងន់ heavyweight។
ការប្រកួតលើកដំបូង គឺផ្ដួលគូប្រកួតឲ្យសន្លប់ទឹកទី១ ទាំង ៤ តែម្ដង ក្នុងនោះ ៣ លើកប្រកួតដណ្ដើមខ្សែក្រវាត់ World Title។ ទោះរូបគេរបូតខ្សែក្រវាត់ទៅលើ Arjan “Singh” Bhullar ជើងខ្លាំង Vera នៅតែគ្រប់គ្រងក្នុងទម្ងន់នេះបានល្អបំផុតក្នុងប្រវត្តិសាស្ត្រ។ ហើយមានកីឡាករមួយចំនួនស្ថិតក្នុងដំណើរទៅស្ដារកិត្តិយសឡើងវិញរបស់គេ។
Aliakbari គឺ ជាជើងឯកចំបាប់ក្រិករ៉ូម៉ង់ Wrestling World Champion មកពីអ៊ីរ៉ង់ ដែលលេចធ្លោបំផុតនៅក្នុងប្រទេសរបស់គេ។ មុនចុះកុងត្រាប្រកួតឲ្យ ONE Championship តារាពុកម៉ាត់បានប្រកួតនៅសង្វៀនធំៗជាច្រើននៅជប៉ុន និងអឺរ៉ុបដោយមានកំណត់ត្រាឈ្នះ ១០ ដង និង ចាញ់ម្ដង (ផ្ដួលគូប្រកួត ៧ ដង)។
ហេតុអ្វីចង់ប៉ះគ្នា?
កាលមិនទាន់ចុះកុងត្រាប្រកួតឲ្យ ONE ជើងខ្លាំង Aliakbari បានប្រាប់ថា គេចង់ឆ្ពោះទៅកាន់ជើងឯកពិភពលោក World Championship។
Vera បានដឹងថាកីឡាករមកពីក្លិប AAA Team មិនសម្ដែងការគោរពដល់រូបគេទាល់តែសោះ។ Vera និយាយថា ៖«មុនពេលចាប់ផ្ដើមនិយាយ សូមច្បាស់ថា អ្នកត្រូវឈ្នះប្រកួតដំបូងនៅ ONE»។
Aliakbari នៅតែជំរុញចង់ជួប Vera ដើម្បីដណ្ដើមខ្សែក្រវាត់ World Title ប៉ុន្តែ Bhullar ក៏បានឆក់យកឱកាសនេះមុន។
នៅពេលការប្រកួតលើកដំបូងរបស់តារាអ៊ីរ៉ង់បានមកដល់ “The Truth” បានដឹងថា Aliakbari ត្រូវបានផ្ដួលឲ្យសន្លប់ដោយ “Mighty Warrior” Kang Ji Won។
សម្រង់សម្ដីគួរឲ្យចងចាំ
Aliakbari: “ចំពោះតារា ទម្ងន់ heavyweight ទាំងអស់ ខ្ញុំចង់ឲ្យអ្នកត្រៀមរួចរាល់ ព្រោះខ្ញុំមកដល់ហើយ។ Brandon Vera អ្នកត្រូវដាក់ខ្សែក្រវាត់ និងដើរចេញទៅព្រោះស្ដេចនៃប្រភេទទម្ងន់នៅទីនេះមកហើយ។ ខ្ញុំនឹងកម្ទេចមុខរបស់អ្នក។ ខ្ញុំនិងបងប្អូនរបស់ខ្ញុំនៅទីនេះដើម្បីគ្រប់គ្រងសង្វៀន ONE Championship។ ONE ផ្ដល់ឲ្យខ្ញុំនូវជើងឯកមក។ ខ្ញុំមិនអាចរង់ចាំនោះឡើយ។ ខ្ញុំជាអ្នកល្អបំផុត»។
“[Brandon Vera] សូមរៀបចំការប្រកួតឲ្យបានឆាប់កាន់តែល្អដើម្បីដឹងថា នរណាជាអ្នកឈ្នះពិតប្រាកដ។ ខ្ញុំចង់ផ្ដួលអ្នក។ អ្នកគាំទ្ររបស់អ្នកនឹងលែងគាំទ្រមិនខាន»។
Vera: “[Aliakbari] មានអ្នកគាំទ្រច្រើន។ ហេ! កុំធ្វើឲ្យអ្នកគាំទ្រអស់សង្ឃឹមណា។ សូមត្រៀមខ្លួនទៅ។ ខ្ញុំដឹងថាអ្នកល្អណាស់ ។ អ្នកជាអ្នកខ្លាំងម្នាក់។ ប៉ុន្តែ បើឡើងប៉ះគ្នា ខ្ញុំនឹងមិនទុកមុខឲ្យទេ»។
គូប្រកួតបន្ទាប់?
កាលប្រកួតមុនអ្នកទាំងពីរសុទ្ធតែចាញ់ដូចគ្នា ដូច្នេះ ជំនួបរវាង Vera និង Aliakbari អាចកើតឡើងឆាប់ៗនេះ។ ពួកគេសុទ្ធតែត្រូវការឈ្នះដើម្បីឈានទៅដណ្ដើមខ្សែក្រវាត់ជាថ្មី។ ប៉ុន្តែ ការប្រកួតច្បាស់ជាតានតឹងមិនខាន។
Aliakbari មានជំនាញចំបាប់ដ៏អស្ចារ្យ ហើយ Vera ពូកែខាងប្រយុទ្ធ។ ស្ទិលប្រកួតខុសគ្នាកាន់តែទាក់ទាញ។ អ្នកគាំទ្រនឹងបានទស្សនាគូប្រកួតដ៏កក្រើកនេះក្នុងពេលឆាប់ៗខាងមុខ។