ក្រុមបាល់ទាត់ជម្រើសជាតិអ៊ីតាលី នឹងត្រូវប្រកួតជាមួយក្រុមជម្រើសជាតិអូទ្រីស នៅម៉ោង២រំលងអាធ្រាត្រនេះហើយ សម្រាប់វគ្គ១៦ក្រុមចុងក្រោយពានរង្វាន់ Euro 2020 ។
មុនការប្រកួតនេះចាប់ផ្ដើម លោក Mancini អ្នកចាត់ការក្រុមអ៊ីតាលី បាននិយាយថា៖ “ក្រុមអ៊ីតាលី នឹងកាន់តែរីករាយសម្រាប់ការប្រកួតទល់ក្រុមអូទ្រីសក្នុងកីឡដ្ឋានទំនើប Wembley របស់អង់គ្លេស។ មានកីឡាករក្នុងក្រុមច្រើន មិនដែលទទួលបានបទពិសោធលេងនៅកីឡដ្ឋាននេះទេ ហើយនេះជាឱកាសពួកគេបង្ហាញសមត្ថភាពក្នុងកីឡដ្ឋានដ៏ស្អាតនេះ។ ខ្ញុំជឿថាពួកគេនឹងកាន់តែលេងបានល្អ”។
រំលឹកថាក្រុមអ៊ីតាលី កំពុងធ្វើបានល្អណាស់ ដោយ៣០ប្រកួតមកនេះមិនទាន់បរាជ័យនោះទេ។ ដោយឡែកបើនិយាយពី១០ប្រកួតចុងក្រោយវិញ មិនស្គាល់ពាក្យថារបូតគ្រាប់បាល់ឡើយ។ វគ្គសន្សំពិន្ទុក្នុពូល អ៊ីតាលី ឈ្នះទាំង៣ប្រកួត ឈរនៅកំពូលតារាង រកបាន៧គ្រាប់ មិនគ្មានរបូតគ្រាប់បាល់ឡើយ៕ប្រភព Football
