ក្រុមជម្រើសជាតិព័រទុយហ្គាល់បានយកឈ្នះលើក្រុមហុងគ្រីក្នុងលទ្ធផល ៣-០ សម្រាប់ការប្រកួតពានរង្វាន់ Euro 2020 កាលពីយប់មិញនេះ។
សម្រាប់ការប្រកួតនេះដែរ ក្រុមព័រទុយហ្គាល់បានគ្របទៅលើក្រុមហុងគ្រីខ្លាំង ប៉ុន្តែមិនអាចធ្វើអ្វីចេញនោះទេ ដោយត្រូវរង់ចាំដល់នាទី៨៤ឯណោះ។ Raphaël Guerreiro ក៏រកគ្រាប់បាល់បានមួយគ្រាប់ មុនពេល Ronaldo ដាក់បន្ថែម២គ្រាប់នៅនាទី៨៧ និង៩០+២។ ចប់ការប្រកួត ក្រុមជម្រើសជាតិព័រទុយហ្គាល់ទទួលបាន៣ពិន្ទុពេញ ក្រោយពីឈ្នះហុងគ្រីក្នុងលទ្ធផល ៣-០។
ដោយឡែកការរកបាន២គ្រាប់របស់ Ronaldo នៅយប់មិញនេះ បានធ្វើឱ្យរូបគេបង្កើតកំណត់ត្រាជាអ្នករកគ្រាប់បាល់បានច្រើនជាងគេនៅព្រឹត្តិការណ៍ Euro នេះហើយ ដោយរកបាន១១គ្រាប់ទៅហើយ។ អ្នកកាន់កំណត់ត្រាចាស់ Michael Platini មានត្រឹម៩គ្រាប់ប៉ុណ្ណោះ៕ប្រភព Dailymail
