ក្រុមជម្រើសជាតិអង់គ្លេស បានយកឈ្នះលើក្រុមជម្រើសជាតិក្រូអាតក្នុងលទ្ធផល ១-០ សម្រាប់ការប្រកួតបើកឆាកពានរង្វាន់ Euro 2020 កាលពីយប់មិញនេះ។
ខ្សែប្រយុទ្ធ Raheem Sterling ជាអ្នករកបាន១គ្រាប់ឱ្យក្រុមតោកំណាចអង់គ្លេស យកជ័យជម្នះបើកឆាកពានរង្វាន់ Euro បានជាលើកដំបូងតាំងពីឆ្នាំ១៩៦៦មក។ ត្បិតតែធ្វើបានល្អនេះមែន ប៉ុន្តែសម្រាប់លោក Southgate គ្រូបង្វឹកអង់គ្លេស ថាកុំទាន់អាល់អរពេកអី ព្រោះការប្រកួតនៅសល់ច្រើនទៀត។
គ្រូបង្វឹកក្រុមអង់គ្លេសខាងលើបាននិយាយថា៖ “នេះគឺជាជ័យជម្នះធំមួយ យើងពេញចិត្តហើយកីឡាករក៏សប្បាយចិត្តនឹងវាដែរ។ វាជាជំហានវិជ្ជមាន ប៉ុន្តែរឿងដែលពិបាកនោះគឺការត្រលប់ទៅរកទម្រង់លេងដ៏ល្អវិញ ដើម្បីត្រៀមការប្រកួតដ៏លំបាកជាមួយស្កុតឡែន។ យើងមិនទាន់បានសម្រេចអ្វីនៅឡើយទេ និងយើងមានការប្រកួតសំខាន់នៅថ្ងៃសុក្រនេះ ជាមួយស្កុតឡែនទៀត”៕ប្រភព Dailymail
