លោក Nasser Al-Khelaifi ប្រធានក្លឹប PSG បានបញ្ជាក់ថាខ្សែប្រយុទ្ធ Kylian Mbappe មិនមែនសម្រាប់លក់នោះទេ ហើយក៏គ្មានក្លឹបណាអាចយករូបគេបានដែរ។
Mbappe ដែលសល់កុងត្រាត្រឹម១ឆ្នាំនោះ ត្រូវបានក្រុម Real Madrid ទាក់ទងនឹងដាក់គោលដៅយកនៅរដូវក្ដៅខាងមុខនេះហើយ។ តែយ៉ាងណា ក្រុម PSG មិនចង់ឱ្យកីឡាករឆ្នើមរបស់ខ្លួនចាកចេញនោះទេ ហើយក៏ព្យាយាមបន្ដកុងត្រាថ្មីបន្ថែមទៀតដែរ តែគ្រាន់តែមិនទាន់សម្រេចបានប៉ុណ្ណោះ។
ដើម្បីជាការបញ្ចប់មន្ទិលសង្ស័យទាំងអស់ លោក Nasser Al-Khelaifi ដែលជាម្ចាស់ក្លឹប PSG បានបញ្ជាក់ម្ដងទៀតថាគ្មានក្លឹបណាអាចនាំយក Mbappe ចេញបានឡើយ។ មួយវិញទៀត រូបគេនឹងបន្ដលេងនៅ PSG នេះទៀត មិនចាកចេញទៅណាឡើយ។ បច្ចុប្បន្ននេះ គ្មានក្លឹបណាមួយមានមហិច្ឆតាអាចយកកីឡាករបារាំងនេះចេញពី PSG ទេ៕ប្រភព Dailymail
