Elias “The Sniper” Mahmoudi បានក្លាយជាអ្នកប្រដាល់សេរីដ៏ទាក់ទាញម្នាក់នៅស្ថាប័ន ONE បន្ទាប់ពីបានចូលខ្លួនមកអង្រួនសង្វៀនពិភពលោក។
ការប្រកួតបន្ទាប់ កីឡាករចំណាត់ថ្នាក់លេខ៤ទម្ងន់ flyweight ត្រូវប្រកួតជាមួយកីឡាករថៃ Mongkolpetch Petchyindee Academy នៅព្រឹត្តិការណ៍ ONE: FULL BLAST II ហើយប្រសិនបើឈ្នះអាចនឹងកក់សំបុត្រឡើងទៅប្រកួតដណ្តើមខ្សែក្រវាត់ពិភពលោកមនុស្ស Rodtang “The Iron Man” Jitmuangnon។
មុនពេលបានឃើញរូបគេបង្ហាញសមត្ថភាព ថ្ងៃសុក្រ ទី១១ ខែមិថុនា ខាងមុខនេះ យើងខ្ញុំសូមបង្ហាញលក្ខណៈពិសេស៥យ៉ាងដែលអ្នកគាំទ្រប្រហែលជាមិនបានដឹងពីរូបគេ។
ទី១៖ ត្រកូលអ្នកកីឡា
ឪពុក និងពូរបស់ Mahmoudi ទាំងពីរនាក់សុទ្ធតែជាអ្នកកីឡា ហើយថែមទាំងបើកក្លឹបបង្ហាត់ប្រដាល់ Mahmoudi Gym តាំងពីឆ្នាំ១៩៨៤។
ដូច្នេះហើយបានជារូបគេធំដឹងក្តីឡើងកែវភ្នែក ក៏ដូចជាបេះដូងរបស់គេបានថតជាប់រូបភាពហ្វឹកហាត់នៅក្លឹប និងការប្រកួត។
កីឡាករនិយាយថា ៖«ប៉ារបស់ខ្ញុំ និងពូបានបង្ហាត់ខ្ញុំតាំងពីតូច។ វាជាប្រពៃណីគ្រួសាររបស់ខ្ញុំទៅហើយ។ ខ្ញុំបានចាប់ផ្តើមហាត់តាំងពីទើបចេះដើរ។ តាំងពីកុមារភាពមក ខ្ញុំឃើញតែរឿងហាត់ រឿងកីឡាក្នុងជីវិតរបស់ខ្ញុំ»។
ទី២៖ វ៉ៃអាជីពដំបូងឈ្នះសន្លប់ត្រឹមអាយុ១១ឆ្នាំ
Mahmoudi ពិតជាជាប់ចិត្តនឹងប្រដាល់សេរីខ្លាំងណាស់ដែលធ្វើឲ្យរូបគេបានធ្វើដំណើរទៅប្រទេសថៃតាំងពីអាយុ១១ឆ្នាំ។
ជាមួយពូឈ្មោះ Nordine កុមារាមានទេពកោសល្យរូបនេះបានទៅហាត់នៅក្លឹបល្បីឈ្មោះ Sityodtong ក្នុងខេត្តប៉ាតាយ៉ា ប្រទេសថៃ។ វាអ្វីៗថ្មីទាំងអស់អស់សម្រាប់រូបគេដែលចាប់ផ្តើមហ្វឹកហាត់រយៈពេល៦ម៉ោងក្នុងមួយថៃ និងបានឡើងប្រកួតមួយថៃ លក្ខណៈអាជីពលើកដំបូងនៅឆ្នាំដែលរូបគេបានចាប់ផ្តើមហាត់។
ជាលទ្ធផល រូបគេបានប្រើជង្គង់ហោះបុកដៃគូឲ្យសន្លប់ក្នុងទឹកទី២ ហេតុដូច្នេះហើយទើបបានជារហស្សនាម “The Sniper” ត្រូវបានដហៅតាំងពីពេលនោះមក។
ទី៣៖ ឈ្នះជើងឯកជាច្រើន
នៅពេល Mahmoudi គ្មានចង់បានអ្វីផ្សេងក្រៅពីខ្សែក្រវាត់ពិភពលោកនៅ ONE Super Series តាមពិតទៅរូបគេធ្លាប់បានឈ្នះខ្សែក្រវាត់មួយថៃពិភពលោកជាច្រើនស្ថាប័នមកហើយ។
កីឡាករអាយុ២៣ឆ្នាំបានឈ្នះជើងឯកជាតិបារាំង និងមេដាយមាសពីព្រឹត្តិការណ៍ប្រកួតជើងឯកមួយថៃពិភពលោក IFMA។
ព្រមជាមួយគ្នានេះ កីឡាកររហស្សនាម “The Sniper”ក៏បានឈ្នះខ្សែក្រវាត់ជាច្រើនដូចជា WBC, WMF, WPMF, និង MTGP ដែលប្រកួតនៅប្រទេសចិន ជប៉ុន អ៊ីតាលី ស្វិស និងប្រទេសមួយចំនួនទៀត។
ទី៤៖ តារាថតម៉ូដម្នាក់
ខុសពីអ្នកប្រដាល់មួយចំនួនទេដែលមានជីវិតកម្រពាក់ព័ន្ធនឹងសិល្បៈ ប៉ុន្តែរូបគេបានយកការងារសិល្បៈជាផ្នែកមួយប្រដាល់របស់ខ្លួនដែរ។ មែនហើយ កីឡាករដើមកំណើត Bonneuil-sur-Marne បានចំណាយពេលវេលាពីការហ្វឹកហាត់នៅមុខកាមេរ៉ាថតរូបដែលរូបជាតារាម៉ូដែលម្នាក់។ រូបថតម៉ូដរបស់គេក៏ល្បីល្បាញ និងលេចធ្លោមិនចាញ់ការឡើងសង្វៀនដែរ។
ទី៥៖ របបនេសាទជាជម្រក
ជីវិតពិតជាពិបាកអត្ថាធិប្បាយទាំងផ្លូវកាយ និងផ្លូវចិត្ត នៅពេល Mahmoudi ចំណាយពេលវេលាកាលពីកុមារភាពនៅលើផ្ទៃទឹក និងច្រាំងទន្លេ។
តាមពិតទៅ “The Sniper,”ជាអ្នករកត្រីម្នាក់កាលពីកុមារភាពបានកាន់សន្ទួចទៅស្ទួចត្រី។ ការដើរស្ទួចត្រីជាមួយមិត្តភក្កិជាច្រើនឆ្នាំដើម្បីរកត្រីមួយជួយជីវភាពរស់នៅប្រចាំថ្ងៃរបស់ឪពុកម្តាយ៕