ខ្សែប្រយុទ្ធ Sergio Aguero បន្ទាប់ពីចប់ព្រឹត្តិការណ៍ UEFA Champions League ហើយ រូបគេបានហោះទៅអេស្ប៉ាញតែម្ដង ដើម្បីសម្រេចការចរចាកុងត្រាជាមួយក្រុម FC Barcelona ។
ប្រកួតផ្ដាច់ព្រ័ត្រពានរង្វាន់ UEFA Champions League កន្លងទៅ គឺជាប្រកួតចុងក្រោយរបស់ Aguero ក្នុងនាមជាកីឡាកររបស់ក្រុម Manchester City ហើយ។ រូបគេសង្ឃឹមថានឹងអាចឈ្នះពាន UCL នេះបាន សម្រាប់ប្រកួតចុងក្រោយនេះ ប៉ុន្តែគួរឱ្យសោកស្ដាយបានត្រឹមជើងឯករងប៉ុណ្ណោះ ក្រោយពីចាញ់ក្រុម Chelsea ក្នុងលទ្ធផល ១-០។
ក្រោយពីចប់ការប្រកួតភ្លាម កីឡាករអាហ្សង់ទីនខាងលើនេះមិនបានធ្វើដំណើរមកអង់គ្លេសជាមួយសមាជិកក្រុមដទៃទៀតទេ។ ពោលគឺរូបគេបន្ដហោះទៅអេស្ប៉ាញ ក្រុងបាសេឡូណាតែម្ដង។ គេរំពឹងថាការចុះកុងត្រានឹងកើតមានឡើង ជាមួយរយៈពេលដល់ទៅ២ឆ្នាំឯណោះសម្រាប់ Aguero លេងឱ្យក្រុម FCBarcelona នេះ៕ប្រភព Dailymail
