Bi “Killer Bee” Nguyen បានដឹងថា រូបគេឡើងតតាំងនឹងកីឡាការិនីដ៏រឹងមាំម្នាក់។ កីឡាការិនីកូនកាត់វៀតណាម-អាមេរិកទទួលការលំបាកមួយនៅសង្វៀនលំដាប់ពិភពលោក ប៉ុន្តែ គេចង់ធ្វើឲ្យប្រសើរឡើង និងបង្ហាញថារូបគេជាកីឡាការិនីកំពូលម្នាក់។
កីឡាការិនីវ័យ ៣១ ឆ្នាំទម្ងន់ atomweight នឹងទទួលបានឱកាសល្អនាថ្ងៃសៅរ៍ទី ១៥ ខែ ឧសភា នេះពេលរូបគេប្រឈមនឹងអ្នកជំនាញចំបាប់ឥណ្ឌា Ritu “The Indian Tigress” Phogat នៅសង្វៀន ONE: DANGAL។
Nguyen បានថ្លែងថា ៖«ខ្ញុំពិតជាមានអារម្មណ៍ថាមានសម្ពាធផ្ទាល់ខ្លួន។ តែខ្ញុំដឹងថា ខ្ញុំល្អកម្រិតណា។ នេះជាពេលដើម្បីបង្ហាញវា។ វាដល់ពេលសម្រាប់ខ្ញុំឡើងប្រកួតឲ្យឆ្លាតវៃ និង ទទួលជ័យជម្នះ។ ហើយវាមិនមែនគ្រាន់តែបង្ហាញទស្សនិកជននោះឡើយ»។Nguyen ឈ្នះក្នុងការបង្ហាញខ្លួនដំបូងពេលផ្ដួលកីឡាការិនីឥណ្ឌូណេស៊ី Dwi Ani Retno Wulan ឲ្យសន្លប់ត្រឹមទឹកទី១។
ប៉ុន្តែ ក្រោយមក គេចាញ់កីឡាការិនីលំដាប់ទី៤ Stamp Fairtex, ចាញ់ជើងឯក Myanmar Boxing Champion កីឡាការិនី Bozhena “Toto” Antoniyar, និង ចាញ់ ជើងឯកវូស៊ូពិភពលោក Jihin “Shadow Cat” Radzuan។
«ក្នុងការប្រកួតពីរបីលើកចុងក្រោយ ខ្ញុំបានពិនិត្យឡើងវិញហើយ។ វាជាមេរៀនដែលស្អប់ក្នុងការរៀន ប៉ុន្តែ ជាមេរៀនដ៏ល្អដើម្បីយកជ័យជម្នះមកវិញ»។ កីឡាការិនីវ័យ ៣១ ឆ្នាំគូសបញ្ជាក់ដូច្នេះ។ ក្នុងនាមជាកីឡាការិនីម្នាក់ប្រកួតនៅកម្មវិធី ONE Women’s Atomweight World Grand Prix នាខែនេះ Phogat សម្រេចចិត្តប៉ះ Nguyen និងមានទំនុកចិត្តក្នុងខ្ពស់ក្នុងការទទួលជ័យជម្នះ។
Nguyen រៀបរាប់ថា ៖«នេះជាការប្រកួតកម្ដៅសាច់ដុំមុនកម្មវិធី Grand Prix ហើយគេចង់ប៉ះខ្ញុំ។ ខ្ញុំត្រូវតែបង្ហាញឲ្យឃើញ។ គេចង់សាកកម្ដៅសាច់ដុំជាមួយខ្ញុំមុនកម្មវិធី Grand Prix។ វានឹងមិនមែនបញ្ហាសម្រាប់ខ្ញុំទេ ហើយខ្ញុំនឹងបញ្ចេញស្នៀតឲ្យដឹង»។Nguyen បានរៀបចំខ្លួនសម្រាប់ការប្រកួតនៅក្លិប Xtreme Couture in Las Vegas សហរដ្ឋអាមេរិក។ ប៉ុន្តែ គេសម្ដែងការគោរពដល់កីឡាការិនីជំនាញចំបាប់ឥណ្ឌា និងការឈ្នះគូប្រកួតដ៏ល្អរបស់គេ។ យ៉ាងណាក្ដី Phogat នៅមានចំណុចខ្វះខាតជាច្រើន។
Nguyen គិតថាគូប្រកួតនៅមានចំណុចខ្វះខាតដូចជាការផ្លាស់ប្ដូរពីប្រយុទ្ធទៅជាការផ្ដួលខ្លួនជាដើម។ ហើយ ត្រង់ម្ដុំចង្ការរបស់ Phogat ជាផែនការតេស្តសមត្ថភាពដែលមិនទាន់មានអ្នកធ្វើពីមុនមក។
“Killer Bee” នឹងធ្វើឲ្យការប្រកួតនេះល្អមើល ហើយ ផ្ដល់មេរៀនឲ្យ “The Indian Tigress” ចាញ់លើកដំបូងក្នុងអាជីព។
Nguyen សង្កត់ធ្ងន់ថា ៖«ខ្ញុំនឹងឈ្នះការប្រកួតនេះ ព្រោះខ្ញុំមានជំនាញដើម្បីប្រកួតប៉ះនឹងគូប្រជែង [កម្រិតកំពូល] និងចង់នៅកម្រិតខ្ពស់មួយ។ ខ្ញុំមិនឲ្យខ្លួនខ្ញុំធ្លាក់ចុះច្រើនដងនោះឡើយ ព្រោះខ្ញុំធ្វើការងារខ្លាំងណាស់ និងមិនឆ្លាតគ្រប់គ្រាន់។ ទោះវាធ្វើឲ្យខ្ញុំមានប្រជាប្រិយភាព វាក៏ធ្វើឲ្យខ្ញុំមានការសម្រេចចិត្តចាញ់ផងដែរ។ នោះហើយជាអារម្មណ៍មួយ។ ខ្ញុំគិតថាពេលនេះ គេជួបខ្ញុំក្នុងពេលវេលាល្អបំផុតសម្រាប់ខ្ញុំ ហើយវាជាពេលអាក្រក់សម្រាប់ Ritu»។