លោក Jose Mourinho បានដឹកនាំក្រុម Manchester United ត្រលប់ទៅរកជ័យជម្នះវិញហើយ ដោយបានយកឈ្នះលើក្រុម Burnley ក្នុងលទ្ធផល ២-០។
ជាមួយគ្នានឹងជ័យជម្នះនេះដែរ គេសង្កេតឃើញលោក Jose ចាប់ផ្ដើមយកចិត្តអ្នកគាំទ្របិសាចក្រហមជាថ្មីម្ដងទៀតហើយ ដោយបានឡើងទៅជួបផ្ទាល់ជាមួយអ្នកគាំទ្រនៅខាងលើកន្លែងអង្គុយ។
ដោយការទៅជួបចាប់ដៃនោះ គឺអ្នកចាត់ការរូបនេះចង់អរគុណអ្នកគាំទ្រដែលមកទស្សនាផ្ទាល់ និងបានលើកទឹកចិត្តលោក អំឡុងពេលក្រុមចាញ់ការប្រកួតដើមរដូវកាលនេះ។
លោក Jose ធ្លាប់បានបញ្ជាក់ថាអ្នកគាំទ្របិសាចក្រហមមិនអានកាសែតឡើយ អ្នកគាំទ្រមិនមើលទូរទស្សន៍ឡើយ ។ អ្នកគាំទ្របិសាចក្រហម គឺតែងតែមកលើកទឹកចិត្តដល់ក្រុមផ្ទាល់តែម្ដង។
សូមបញ្ជាក់ថារដូវកាលនេះ គេសង្កេតឃើញលោក Jose Mourinho គោរពអ្នកគាំទ្រខ្លាំងមែនទែន។ ជាក់ស្ដែង សូម្បីប្រកួតចាញ់ក្រុម Spurs ក្នុងដីខ្លួនឯង ក៏លោកលើកដៃអរគុណចំពោះវត្តមានរបស់អ្នកគាំទ្រផងដែរ៕ ប្រភព៖ DailyMail